السلام عليكم بما انو الرفيس التونسي او مانسميه احنا ب(الكعبوش) حلو فقلت اني نحطو في قسم الحلويات هذا الرفيس التونسي شفتو البارح في الفيس دارتو وحدة بحلوة الترك فحبيت نجربو وصورت ليكم الخطوات اذا حبتو تجربو ه او حتى تشفوه برك لانو اغلبنا يعرف كيفية عملو المقادير دشيشة سميد مقلية كمية من الغرس (انا درت قريب رطل لانو كنت رايحة نجرب برك ) زبدة ستار عينك ميزانك كوكاو مقلي ومرحي للي حبو (اختياري ) الطريقة نفورو الغرس في برمة ونوجدو قصعة نحطوه فيها ونحطو فوقو تشيشة ونبداو نخلطو حتان نوصلو للكمية المناسبة بعدها نبداو نضيفو في الزبدة ونخلطو مليح بيدينا حتى تتداخل في الغرس والدشيشة مليح بعدها نضيفو كوكاو الكمية الي حبينا (مش بزاف ) نحكمو شوي من الخليط ونفتحوه بالحلال ونحطو فوقو كمية من حلوة الترك (الشامية) ونرولوه عليها (صاحبة الوصفة عملاتو دائري وانا عملتو عادي مربع ) ونعدلوه مليح ومن بعد نحطوه يرتاح في الثلاجة ليتماسك قليلا ثم نخرج ونقطعة الشكل الذي نريد انا ولاني لا اعرف كيف اضع الصور وبينها الكتابات كتبت الطريقة والان الصور توضح اكثر اتاسف لردائة الصور قليلا اولا نشكر صاحبة الوصفة ونقلها راه جا هايل بحلوة الترك لانى اول مرة نجربو بيها ثانيا نتمنى انكم انتم كذالك تجربوه راه روعة