السلام عليكم ورحمة الله....واسعد الله اوقاتكم بكل خير جبتلكم اليوم شوارما في الفرن بطريقة جديدة نتمنى تعجبكم وتجربوها المقادير...قطعة شوارما كنت قلتلكم بلي هي الجزء العلوي من فخد الداند...تكون قطعة وانت تحليها بالموس نسيت ما صورتهاش قبل ما نحلها...نغسلها ونملحها مليييح للتتبيلة ثوم...حوالي حبة ثوم كبيرة...معدنوس...حوالي بصلة متوسطة مقطعة شرائح..2ملاعق خل..مغرفة زيت زيتون...2 مغارف زيت عادي...زعيترة..ف.اكحل..ف.ابيض..راس الحانوت..ف.احمر حار..كمون..مغرفة كبيرة موتارد..انا مكانش عندي ما درتش...نوجد التتبيلة ونحط الشوارما فيها ونخليها تتنقع على الاقل5 ساعات نجبدها من الثلاجة نحطها فوق ورق المنيوم وناخد الطرف تاعها ندخل فيه مطرق تاع شوا يكون تاع الحديد نستف فوقها قطع تاع طماطم وزعيترة نلويها على البروش ونربطها بالخيط ملييييح نغلفها ملييح بالالمنيوم والى الفرن حوالي ساعة ونصف وممبعد نجبدها ندهنها بشوية زبدة ونحمرها نفتتها وهايليكم واجدة مع خبز ام اماااني ربي يعطيها ما تتمنى والله عشاء رااائع..فضلا عن انه مضمون من ناحية الصحة والنظافة..لان الماكلة تاع برا غير صحية اطلاقا ادا عجبتكم ماتنساونيش بدعوة بصلاح اولادي وشفاء قرة عيني امي الحبيبة الى الملتقى...سلاااام