السلام عليكم و رحمة الله وبركاته صباح الخيراات جمعة مباركه **************** ********** *** كيما سبق و اعلنا عن مهمتنا و هي خياطة جيب مع بعضانا اليوم انتهى العد العكسي ***** *** * و المشتركات معنا هن : Racha2010 Biba04 ...amel موجو موجو Polyma ام ياسين الزهراء ام رشدي *منى* تقوى اماني ام معاذ ام معاذ Faiza2008 شابر محمد فخوره بحجابي ندى قدور امي العسل Loudjeine2000 جيجليه باسم وبيسان حورية38 القياسات واجده القماش واجد الهمه متوفره الباترون راح نبعثو لكل وحده تدخل و تثبت حظورها في الموضوع اذا ما دخلتش ميش راح نبعثو اليوم نحسمو شكون لي تكمل و شكون لي تتخلى على مكانها المده اربع ايام كحد اقصى. تبدى من السبت لانو ليوم راح نستنا كامل المشتركات باش يلتحقو كيما تفاهمنا الالتزام و اي انسحاب بعدما نبداو غير مقبول كاين نقاط لازم تراعيها قبل و اثناء و بعد الخياطه اول شي عند رفع القياسات مالازمش تزيدي فضفضه من عندك راجعي مليح قياساتك قبل وضعها على الباترون او القماش القماش اذا شكيتي فيه يشرب و ينقص من الافظل تغسليه و تحديه قبل البدأ كي تحكمي طول لاجيب ما تنسايش توخذي بعين الاعتبار حق الكفه عند التفصيل اذا كنتي ما تتحكميش في المسافه لي تخليها عند لخياطه من الافظل تزيدي واحد و نص بدل واحد خارج الباترون عند القص كي تحطي باش تفصلي من الاحسن القماش يكون على الظهر باش اي اوساخ ما تقيسش وجه القطعه كل بياسه نفصلوها. نروحو ديراكت نسرفلوها او نديرولها زيقزاق على الحواف قبل ما تبداي لخياطه تزيتي مشينتك بيوم من قبل و تمسحيها مليح تخيري لون الخيط المناسب و تيستي. القماش اذا كان خشين او رقيق ريقلي لاطونسيون نتاعك و قوة الضغط تاع الرجل على لقماش اذا كان قماشك خشين من الاحسن تفتحي البانس بعد خيا طتها باش ما تقعدش مكركبه بلاصتها و خشينه الفيرميتور باش تلصقيها تبعي الدرس هذا https://www.djelfa.info/vb/showthread.php?t=1747627 كل مكان تخيطيه فوتي عليه حديد اذا ميش فابور ديري طرف كتانه مبلوله راح يعطيك منظر هايل و فينيسيون ممتازه الان اي استفسار تحطوه هنا. العمل النهائي يتبعث على الخاص ليا اذا كان مشاركاتك فاتو الالف و لواحد من المشرفين الاخ صاحب الامل او الاخت كرونو اذا مزال ما تقدريش تبعثي رسائل المشاورات راح تكون في هاذ الموضوع اي نقطه ما فهمتوهاش ما تتاخروش باش تسألو عليها الوقت هنا نتوما لي تتصرفو فيه اذا استغليتوه مليح راح تخدمو بتركيز و اذا خليتو لاخر دقيقه اكيد راح تخدمو بتقلاق و هنا النتائج ميش راح تكون في صالحكم اذن استغلو كل دقيقه بالتوفيق للجميع