[غزالة الصّحراء]

المشاركة الأصلية كتبت بواسطة ام سوهيل

السلام عليكم وش راكم اليوم جبنلكم لوبيا بيضاء من مطبخي كنت وعدة الاخة موفيدة بلي نحطهالها موضوع

اولا نحطو الوبيا في ماء تنفخ حتى للصباح



ومن بعد نحوها من الماء الي تنفخت فيه ونحطوها طيب وخدها في الماء


ونحضرو الخضر انا هدو الي ستعملتهم وكل وحدة تشوف على قد عيلتها



ومن بعد نقطعو البصل وسنينات ثوم وقلي مع اللحم الي يكون عندك اوحتى من دونه ميهمش ومن بعد نضيفو الخضر تتقلى مع ملح وحرور وكمون وقليل من راس الحنوت








ومن بعد تمرقي بي قليل من الماء وخليها حتى تبدا في الغليان ضيفي الوبيا والمرق الي طابن فيه وخليها تكمل طيبها عل ى نار قليلة وخليها



وفي الاخير طفي النار وضيفي مغرف زيت الزيتون حتى لومكنتيش تحبيه عادي لانو متبقاش ريحته ويعطيها ضوق هيل

وربطة صغيرة قصبر او غصن كرافس ورشة كمون ورشة حرور







وهنا عند التقديم


اختي موفيدة اتمنا اني افدتك ولو بي القليل وادا مفهمتيش قوليلي

اختي ام سوهيل ماش اللّه عليك خمس وخموس. تسلم أياديك على هاذي الطّريقة المبسّطة. حبيت برك أنضيف لك معلومة. أنا لما أنشمّخ اللّوبيا ، مباشرة إلى المجمّد. لما نحتاج أندير بها الطبق. أنديرها في كاسرونة مافيهاش بزاف الماء. قد ماتطيب. ونخليها أتطيب على راحتها.ولما أتطيب المرقة كيما راكي دايرا أنفرغ هاذيك اللّوبيا مع هذاك الماء . ونخليها أتطيب مع المرقة. . أنا ثاني أتجيني هايلة. بصّح مشكورة ألف شكر . على خاطر راني زدت من عندك بعض المعلومات المفيدة.