حبيت نتقاسم معاكم فرحتنا بطهور أولاد اخوتي اياد و أمير وهدي الحلويات ألي درتهملهم في حفلتهم كلهم من المنتدى الغالي عليا بزاف و الأخوات ألي رجعونا محترفات في الحلويات نشكرهم بزاف الاخت ام أماني أم أنس أم محمد تاج حرة لغواطيات ياسملاك و أخريات هدا الي قدرت نصورو لأني كنت لاهية بزاف نتمنا يعجبكم واش قدمنا اولا قدمنا الجي مع لي مونشون مكومنديين بعدها قدمنا سلاد دي فروي درتها انا طبقة كرام أو سيترون و كرام شونتي و الفواكه وزينتها من فوق بعدها قدمنا القهوة و الحليب مع المقروض درت وصفة أم انس يدوب في الفم و غريبية ام كوثر نصائح ام محمد تاج و التزيين درت طريقة أم أنس و صابلي روايال لأم اماني و بعدها قدمنا لي بوات ألي فيهم 4 انواع من الحلوى بقلاوة ام انس هايلة هاية و قاطو البيضة في حلة جديدة لام اماني و مخبز حرة لغواطيات و اخدت طريقة التزيين على يسملاك نشكرها الي ساعدتنا في كيفية تحضيره و حلوة الطربوش لام اماني