اليوم حبيت نحطلكم وصفة عصير طبيعي صراحة كنت ذقتو عند قريبتي ومع شربت اول كاس منو قلتلها اعطيلي الوصفة خطراه عجبني بزاف وكثر خيرها ناضت وخدمتولي وانا نشوف وطبعا منسيتكمش وصورتولكم ضك نحطولكم ونشرحولكم بالتفصيل ونقلكم غير جربوه راهو يحمر الوجه قدام الناس ومنعش جداااااااااااااااااااااااااااااااااااا بدون مبالغة نخليكم مع المقادير والصور انا نعطيكم مقادير طيحلكم حوالي 5 لترات من العصير طبعا الصور لي راح نحطهم نتاعها وموزنتهمش بصح جاتنا كمية كبيرة المقادير: كيلو برتقال + كيلو موز + رطل ليمون + قرعة كبيرة ياؤورت ياقو + سكر حسب الذوق نغسل البرتقال وليمون جبدا بالماء ونعصرهم بالعصارة اليدوية نقطع البرتقال و القارص لي عصرناهم بالموس ونرحيهم بالخلاط هنا اذا مترحاتلكمش زيدو شوي عصيرفي لي عصرتوه في الخلاط ماشي كامل نرحي الموز بالخلاط الكهربائي نحط العصير نتاع البرتقال والقارص لي عصرناه بالعصارة اليدوية و الموز و قشور البرتقال لي رحيناهم بالخلاط الكهربائي في اناء هنا لازم نصفيوهم في الصفاية لكبيرة وتقدري تعاوني بيدك باش تتحصلي على خليط نتاع عصير ثقيل هنا شوفو الخليط لي تحصلنا عليه كيفاه ثقيل وفي الاخير زيدي الماء وسكر حسب الرغبة وطبعا ياؤورت ياقو اذا حبيتي العصير ثقيل بزاف زيديلو الياؤورت بزااااف وهاذا هو الكاس نتاع العصير ان شاء الله تكونو فهمتو الشرح نتاعي واي سؤال انا في الخدمة تقدرو ديرو العصير وتخبوه في المجمد وكي تحبو تستخدموه زيدولو الموز والياؤورت وسكر حسب الذوق وقدموه بما انو وقت البرتقال نتمنى انكم تجربوه وتردولي بالخبر اناوليت نديرو في داري حتى اولادي عجبهم بزاف لبنات هاذي هيا اول تجربة ليا في قسم العصائر والتحلية وان شاء الله متكونش الاخيرة متنساوش ردودكم تشجعني في امان الله