[ام ورود]

المشاركة الأصلية كتبت بواسطة غزالة الصّحراء

أهلابيك أم ورود. اللّه يرحم الوالدة أنتاعك ويكون مثواها الجنّة ياربّ. كيما راكي قلتي اليوم كاين كلّ شئ . غير ألي مايحبّش يتعلّم. والحياة راهي حرب .لازم الوحدة تتعلّم كلّشئ وتتسلّح باش أتقابل الحرب.
وإذا حبيتي الطّعام ايجيك رقيق لازم اتخيري السّيار رقم 1+السيار رقم 2 اتكون فتحاتهم ارقيقة. يعني مغلوقة اشويا. وصراحة بهذه الطّريقة ماش رايح نفصل الطّعام الرّقيق عن الخشين. لأنّه في النهاية مايخرجليش الخشين بكميّة اكثيرة. . يخرج لي برك قيس حفنتين.
وفهمت من كلامك انك تفتلى بالدقيق منو ليه يعنى ما تفصليش الدشيشة والرطب.كنت في السابق نستعمل الدشيشة. بصح ذروك لالا . أنغربل السميد بغربال ارقيق بزاف وهذاك الي يبقى داخل الغربال هو ألي أنحطو في الجهة العلويّة . ولي يجرج من الغربال هذاك ألي أنزيدلو الماء ونخلطو بحافة الأصابع ثمّ أنزيدلو هذاك ألي خليتو في جهة بشويا اشويا. ونخلّط الكّل ثمّ انمرر الخليط في الغربال رقم1 اتكون فتحاتو مغلوقة اشويا. لما اتروحي تشري لغرابل سقسي . واطلبي النصيحة . في بعض الحالات حتى ألي ايبيعوا مايعرفوش الفرق. ورغم ذلك اطلبي النّصيحة من أحد.
إذا مافهمتيش أنزيد أنعاودلك بطريقة أخرى.
عندك الحق لازم تتكلي على روحك أحسن. فقط ماش لازم تستسلمي. أنا ثاني كانت الأم أنتاعي اللّه ايطوّل في عمرها ، هي ألي تفلتهولي عند وحدة المرأة أنتاع ثيقة. بصّح شفت في الأخير أنّ فتل الطّعام لايستحق الاستعانة بامراة أخرى حتى لو كانت محلّ ثقة . رغم أنه في النهاية فتل الطعام يتطلّب الإرادة. فشمّرت على يديا وبدأت أفتل الطعام شخصيا. وباش مانعياش . انقسم اشكارة أنتاع25كلغ إلى 3مرات . كلّ مرة نفتل جزء حتى نلقى روحي كملت الشكارة كامل. لأنّ أشغال البيت كامل على راسي + خدمة برا. ربّي يعطينا القوّة والصحّة برك.

نتاع الصح المراة لازم تكون عندها فكرة على كل شىء.يعطيك الصحة على كل شىء والله يكون فى عونك وجزاك الله خيرا