[غزالة الصّحراء]

المشاركة الأصلية كتبت بواسطة ام ورود

زوجي يحب الطعام بزاف وديما لازم يكون يوم الجمعة كل ما يخلاص نشوف وحدة تفتلي لكن للاسف مرات فيه الترب ومرات الشعر ومرات لون مائل لرمادي بالاضافة الى السعر 5000
والله نتمنا نتعلم وهكدا الوحدة تضمن من جهة النطافة
انشاء الله كاش فحلة تعلمنا وديرانا موضوع

أهلا بيك يا أم ورود.
الطّريقة جدّ سهلة . رايح أنوضّح لك . وإذا مافهمتيش أنزيد أنعاودلك. وإذا مافهمتيش نعطيك حلّ هو: راقبي احدى القريبات أو حتّى أمّك وهي تفتل . خذي القلم وسجلي تفاصيل الحدث أحفظيها ثمّ طبقيها.
طبعا أولّ شيء اتحضري كلّ اللّوازم من الدّقيق + الماء + الملح+ المكان المناسب + غراف باش تستعيني بيه لأخذ الماء من الطنجرة + الغرابل ثلاثة أنواع واحد رقم 1 + الثاني رقم 2 + الثالث رقم 3. + المكان ألي اترجعي إليه الطعام. ممكن أدرا انقي خاص بالطعام.
أنا كنت أضع كلّ شيئ على الأرض لكن صديقتي نصحتني باستعمال طابلة صغيرة ( مايدة ) كيما أنقولوا + كرسي اصغير . على بركة اللّه ضعي القصعة على المايدة وضعي تحت القصعة أيّ شيئ باش تتطلع اشويا.
ضعي داخل القصعة الّدقيق ( في كامل القصعة ) ثمّ خذي جزء قليل خليه من الفوق لوحدو. وأما الجزء الكبير ضفيلو الماء بواسطة الغراف بشويا اشويا. ثمّ خلطي معاه هذاك القليل الي خلتيه من الفوق واستعملي فقط حافة أصابعك في الخلط باش مايتعجنش الدّقيق. استعملي غراف واحد واشويا برك.من الماء . ولما أتخلطي الكلّ خذي السيّار رقم واحد. فتحاته اتكون اشويا اكبيرة. كيما هذاك ألي دارت بيه الصوامعيّة اللّه ايذكرها بالخير ( حلوة الغربال ) ولمّا اتخرجي هذاك الخليط الأول من الغربال رقم واحد . خلي الغربال في جهة وخلطي الكلّ بحافة الأصابع ممكن تستعيني براحة اليّد. ثمّ خذي السيار رقم 2 وفوتي هذاك الخليط فيه . ولما أتكملي حطي السيار في جهة وعاودي خلطي ماتحصلتي عليه براحة اليديى. ثمّ مرريه في السيار رقم ثلاثة. و الطعام واجد. وهكذا تنتهي الدّفعة الأولى من المرحلة الأولى والطّعام اصبح واجد . بالهنا والشّفا. وإذا مافهمتيش اسألي فأنا تحت أمرك دائما.