[سطايفية بكل فخر]

المشاركة الأصلية كتبت بواسطة dotzero

الحائزون على الماجستير يقومون (و في الكثير من الأحيان مجبرون) على تأطير طلبة الماستير
شخصيا، إن تمت المساواة سأرفض القيام بالتأطير
أما عن التصنيف فلا يهمني، هي أرقام نتسلى بها
فالسباك يتقاضى 3000 دج عن الساعة الواحدة أما الموظف بدرجة 14 فيتقاضى 550 دج عن الساعة الواحدة

عذرا للتذخل
ولكن وشا من جامعة هذي
القانون يقلك لازم يكون منسكري على الاقل في الدكتوراه باش يقدر ياطر الطلبة وهذا ماهو معمول بيه في جامعة سطيف
وكاين مسجلين دكتوراه ومياطروش الطلبة
كيفاش نتوما تاطرو الطلبة وانتم عندكم غير ماجيستير
+
وعلاش ترفض القيام بالتأطير ممكن توضيح لرايك لو سمحت في هذه النقطة
وان كان السبب اخي فقط لانك نظام كلاسيكي وهو ل م د نحب نقلك مش ذنبو انو الدولة فرضت عليه يقرا ل م د وانت قريت كلاسيك
وانو الدولة مدتلك الحق انك تكون استاذ جامعي وهو استاذ في الثانوية ومطيرلوش غير بشق الانفس
ان شاء الله برك ميكونش هذا هو السبب
+
بالنسبة للتصنيف اخي انت راك 14 واكيد ميهمكش لانك الاعلى في التصنيف لكن واحد ماستر مهوش مرسم اصلا وكي يترسم يهموا التصنيف لانو المعيشة غلات و100 دج زيادة رايحة تعينو ولا راني غالطة اخي
+
وانت قلتها بلادنا مراهي راحمة لا طلبة النظام الكلاسيكي ولا طلبة النظام ل م د
فعلاش رانا مدايرين هذي التفرقة بيناتنا منيش فاهمة لحد الان
لكن نقول للدولة برافو عرفتي تضربي المجتمع في الطبقة لي كان تاكل عليها الا وهي الطلبة
وخليتي هذي الفئة لاهية بموضوع نظامي ونسيتها في دورها في المجتمع
خلاصة القول اخي
سمحلي على التدخل ونتمى انك تناقشني في هذيك النقطة
وفي الاخير اعتذر للاطالة
وان شاء الله ربي يجيب لخير لبلادنا