السلام عليكم اليوم جبتلكم طريقة صنع علاقات المفاتيح خاصة للاخت جويرية الايمان والاخت نسيمة اولا نجيب اربع خيوط انا درت طول كل خيط 3 متر ونربطهم مع بعض او نخيطهم مباعد نجيبو زوج خيوط بلونين مختلفين ونشدوهم مع بعض تشكل عندنا هذيك الدائرة او الثقب ما عرفتش كيفاه نسميه والزوج لخرين نخلوهم مطلوقين ما نحكموهمش مباعد ندخلو الخيط الازرق في الثقب الابيض والاخيط الابيض لي حذاه نفوتوه برك فوقها ما ندخلوهش كيما في الصورة مباعد تتقلب ونرجعو ندخلو الخيط الازرق في الابيض والخيط لي حداه ما يدخلش وننبقاو هكذا حتى تتشكل سلسلة في الا ول تغلب شوي ومباعد تتحزق مباعد نبدو نشكلو فيه على شكل نجمة ونلفوه 5 لفات في كل مرة نحكمو بالخيط كيما في الصور هنا راني غلطت الحاشية او الدبلة البيضا تكون هي الوسط راكم ساعات تلقو الابيض الوسط ساعات تلقوه ازرق انا غلطت وعاودت قلبتهم ونروح للثانية نلصقها مع الدورة الاولى ونكمل هكذا حتى نكمل الخمس دورات وتتشكل نجمة كما في الصورة ونجمع بالخيط الوسط ونحزقو ومن الورا تانى باه تجي النجمة محزوقة ويتلمو الدوائر لي درناهم وكي نكملو نلصقو الوسط وردة بالبيسطولي انا شريتها الوحدة ب3 االااف ونخدمولها ظفيرة صغيرة ونخيطوها من ورا باه تتعلق فيه المفتاح ونزيد بالعقاش بلونين اه نسيت راح تكون النجمة لي خدمناها جهة تلمع وجهة لا الجهة لي تلمع هي لي نلصقو فها الوردة وتكون الواجهة هذا فيديو يوضح كيفاه نخدمو ظفيرة https://www.djelfa.info/watch?v=jSLMzDHiVBk وهذا شكلها النهائي فى الاخيرامانة كل لي شاف موضوعي يترك حتى تعليق ما طلوش وتهربو حتى لي ما عجبهاش هههههههههه تعبت وانا نحط في الصور عندي شحال وانا كل ما نكتب االموضوع والصور ما يخرجوش كتبتو شحال من مرة في الباطل وحابة نشكر الااخت كورنو بزاااااااااااااااااااااااف بزاف بفضلها قدرت نحط الصور ربي يعطيك واش تتمني ههههههههههه حكيتلكم قصة حياتي اسمحولي ان شاء الله نكون وفقت في الشرح وعجبكم العمل ادعولي دعوة من قلبكم ولكم المثل