صباااااااااااااح الخير لكل الاخوات اليوم جبتلكم طرقة جديدة للسلق هاااايلة وتندار في العرضات المكونات : رربطة سلق ...لحم مرحي.....فلفل اكحل ......جوزة الطيب.........والردى هذاك الي يديروه للكبدة ملفوف اذا تعرفوه
اول حاجة نغسلو السلق ونقطعوه ونحطوه في المقلة ونغموه حتااااااااااااااان ينشف مليييح ومن بعد نحوطو شوي زبدة وشوي فلفل اكحل وجوزة الطيب
ثانيا نطيبو اللحم مرحي مع شوى فلفل اكحل وشوي ملح وسنينات ثوم
ايا وثالثا كي يطيب اللحم نخلطوهم ملييييييح مع بعض قصدي السلق واللحم ونديروهم كيما السيقار ونلفوهم في الردى وهو الشحم اللي يدروه في الكبدة ملفوف الي يجي في الدوارة اذا تعرفوه ومن بعد نديرهم في البلا تاع الفور
مع العلم انهم طايبين نخلو غير هداك الشحم اللي لفينا فيه السلق مع اللحم هو الي يطيب برك وبالصحة والهناء
اسمحولي معرفتش نحطلكم لي فوتو مرة اخرى ان شاء الله
وجربوووووووه راه هااااايل يحمر الوجه والي يدوقو يعجبو
