السلام عليكم و رحمة الله و بركاته توحشتكم لحباب هاذي مده وانا غايبه عليكم لظروف نفسيه و عائليه و صحيه نتمنى تدعولي ربي يتمم عليا الشفا و كنت حابه اليوم لي نرجع فيه لعملي بعد غياااب يكون اول يوم ندخل فيه لمنتداي نعم منتدى تاع السطايفيه (وأنا علااه هكذا يسميوه في دارنا و صديقاتي يسألوني واشراه المنتدى تاعك ههه حتى خلاص تامم اصبح ملكيه شخصيه) علابالي كثير منكم توحشني و افتقد وجود السطايفيه **اول شي نشكر الشخص لي وقف معايا طول مدة غيابي حبيبتي فريوله كانت طمني على المنتدى وتوصلي سوالكم وتشجعني باش نرجع **و نشكر كل من تذكرني غير في بالو و دعالي **و كل من سأل عليا و تحير **كل من بعثلي سلامو **كل من قال كلمه خير ولو صغيره ** كل من لاام على غيابي لانو بان صح بلي تأثر مانتكلمش على لي مايعرفنيش و مل من تكرار المواضيع لي تطلب عودة السطايفيه لأنهم صح ما يعرفوش شكون هي السطايفيه راني قريت كامل المواضيع كلمه بكلمه وحرف بحرف محبتي في قلوبكم نعرفها لاتقدر هذا يظهر في كل مره نغيب و لو لمده قصيره. باذن الله ماتتكررش و اكيد رجوعي مايكونش بيديا فارغين كاين الكثير من الجديد المفاجآت بأذن المولى عز و جل و ان شاء الله يرجع منتدانا كيما تعودنا عليه حيوي نشيط و لي يقصدو يستفاد منو و مذا بينا يفيد ************************** كثرت لكلام علابالي لكن هذا من شوقي و كيما قلتلكم ماجيتش بيديا فارغين و كأول عربون محبه اليكم اول مجموعه من آخر اعمالي وكل روبه من هاذو عندها ورشتها الخاصه لي راح نحطها من بعد و مزاااال ************************* دعواتكم لي و لأبي بالرحمه و المغفره **************