بالنسبة للاخ مويصطفى ادا كان التعيين في حالة النجاح في الوزارة هنا في الجزائر السكن الوظيفي عليك اخي انت تتحمل مسؤوليته فيما يخص ان كانوا عينوك مثلا في سفارة او قنصلية خارج الجزائر حسب قانون موظفي اسلاك وزارة الخارجية يكون بالتناصف بينك و بين ادارة الدولة على انها تتكفل بك خارجا لمدة 60 يوما قبل ان تجد لنفسك شقة او بيت للكراء و من ثم الكراء يكون مناصفة بينكما بالنسبة للاخ ريان الامتحان اخي يومين واحد ثقافة عامة في اليوم و ثاني يوم سؤال مباشر و مادة اجنبية يا اما فرنسية او انجليزية و الله اعلم تبدل نظام المسابقة لانهم كانوا واحد الوقت يستدعوا الناجحين كتابيا لمباقلة شفوية بلغة اجنبية و مكاسبك فيها يسقسوك عن اي موضوع و تجاوب بلللغة الاجنبية بالنسبة للاخ حماني 88 راتب ملحق دبلوماسي اخي راه في الصنف 13 يعني عندك 573 نقطة اضربها في 45 دينار +علاوات السيادة و التنقبل و بعض العلاوات الخاصة تاع الخارجية توليلك حوالي 6.5 مليون اي 65000 دينار و الرواتب تختلف حسب سفارة او قنصلية او مكتب تعيينك في اي بلد اجنبي اما الاخ مولحي موكوم يا اخي الا راك فوت 35 سنة و راك تخدم في 36 يعني قريب تقفلها للاسف متقدرش تشارك اما الا راك قريب تقفل 35 سنة في جانفي2015 تشارك عادي ربي يوفق الجميع