[ام ملاك.]

المشاركة الأصلية كتبت بواسطة وهراني 31

غالبيا ما تتحمل المراة هي أسباب الطلاق لعدة أسباب

ذاك لنقصان عقلها ودينها فهي تستخدم العاطفة كتيرا في قراراتها وتصرفاتها

لهذا لا تبني احكامها وقراراتها على العقل وهذا ما يؤدي الى هدم البيوت

والرجل بطبيعته القوية اذا ما تعنتت المراة وزادت في اعوجاجها فان الرجل يضطر للطلاق التي تتسبب فيه المراة

وهنا لدي ادلة وحجج تتبت كلامي ولكن اترك لكم المجال أكتر مفتوجا لادلاء بارائكم

يااخي يعني انت حطيت موضوع للمناقشة لكنك الان تأكد ان السبب هي المراة
ساعطيك بعض القصص من الطلاق من محيطي قصص من العائلة والاحباب
القصة الاولى :
خطبوها ونهار داوها كانت كالملاك زين ولاطاي وفحولية بعد مدة بدات يماه تضربها بسبب وبلا سبب وبحكم عملو دوما خارج البيت كي يجي لعشية تزيد تحكيلو يماه كل شيء بالكذب اكيد وهو يزيد يطيح عليها بالضرب المهم جابت معاه 6 ذراري وهكذاك مزال يضربوها تعسفا وحقروها وكسرولها سنيها كامل قلبوها مسكينة بعد ماجابوها كي الوردة رجعوها الله لايشوفك فيها وفي الاخير هبلوها ولات تشرب في الدوا نتاع المهابل واخر المطاف طلقها ورماها في دار باباها لليوم مزالها تداوي عند اطباء المهابل ومرات يدخلوها للمصحة
القصة الثانية :
خانها بزاف وجرحها ويبهدلها ويجيبلها صحابو يقعدو في الدار وهي صغيرة ماتتجاوزش 17 سنة لكن الحمدلله كانت امراة ونص محافظة على نفسهاو بم انها من عائلة فقثيرة ولا يتمسخر بيها قدام صحابو والعائلة بانهم عائلة ماتصلح ماتسوى وهي لو تشوفها كانها باربي والشطارة الله يبارك عليها لكن مرقها بتصرفاتو خياناتو المتكررة لما طلبت الطلاق ولا يعاير فيها وماجا يطلقها برحمة ربي ونهار طلقها سرقلها كواغطها كامل وحرش عليها ناس يعرفهم لاغتصابها وبعدها باش يقول لناس بللي طلقتها لانها مش شريفة حب يحكم عليها حجة لكن ربي يدايما معاها ونجاهامنو بعد ماجابت معاه 2 الحمدلله هي اليوم احسن

القصة الثالثة:
بعد مااحبها وتزوجها وهو انسان مش مصلي بدا يبان على حقيقتو يضربها لاتفه سبب ويعايرها ويعاير كل اهلها
ويجيب صحابو للدار يباتو ثم وهم سكرانين مايخافش على مرتو عادي عندو
واخر مرة رفدلها السلاح وقاللها نقتلك؟؟؟؟
من غير اي سبب فالاخير ظهر بللي مريض وراه يتداوى عند اطباء نفسانيين بلا مايقولولها وطلبت الطلاق من حقها واش صرالها يتكتب في كتاب

القصة الرابعة
تزوجها عن حب لم يطل مدته كثيرا وتزوج كتب الله ان يصيبا بربط عن الزواج
ولم يتعافى الا بعد سنة وفي اثناء العلاج كان يضربها لاتفه سبب ولاتفه سبب يقلب عليها الطابلة
صبرت وصبرت لكنه كان غير يزيد ليغطي عجزه
وبعد مدة لما طلبت الطلاق يوم جا طلقها في المحكمة وهي خارجة شافتو مع صديقته السابقة جابها معاه في السيارة؟؟؟؟

وهناك الكثير والكثير من القصص اللي تتحكى واللي تحشم حتى تحكيها من كثر مافيها اشياء مايدخلوش للراس


لكن مجتمعنا مايعترفش بللي الرجل هو اللي يدفع بالمراة باش تطلب الطلاق خاطرش اللي عايشة مهنية عمرها ماتفكر ترجع لدار اهلها الا اذا فاض بها الكيل وبما انو اغلب العرب مايقبلوش المراة كي تتطلق ترجع لدارها احيانا كثير تلقاهم يقبلو يعيشو في الذل والمهانة والضرب والخيانات باش مايرجعوش لدار اهلهم وباش ماتديش لقب مطلقة


وين راه هنا العدل؟؟؟؟؟