كونك فتاة لا يعني انك يجب ان تكون ضعيفة الشخصية..كم من امراة سيرت دولة وحكمت سلطنة وامبراطورية باكملها
والناس الي ضاربين الدنيا بطالو ماهمش اقوياء شخصية وانما قلبهم بارد وما عندهمش طموح..يعرفو ياكلو يشربو ويرقدو كي الكلاب...بصح الي شخصيته قوية وقلبه حامي تلقي طموحه كبير..يسوفري ويقول بربي نوصل لهدفي..يطيح ويعاود ينوض..قولي في بالك كيفاه الشيرات عايشين لافي وانا قاعدة كيما هاك..كيفاه فلانة وفلتانة وصلو لمناصب عليا وانا عاد نخمم لا راني ضعيفة ولالا...نصيحتي ليك..شوفي وحدة تحسيها قوية الشخصية ورافقيها..غادي شوية شوية تبدي تولي كيفها وزيري قلبك..حتى حد ما ينفعك..اذا طحتي حتى حد ما يوقف معاك خصوصا في هاد الوقت..الرجال راهم كي الذياب يصيدو فالضعيفات..جامي تمدي قلبك لواحد حتى لو ركعلك وقالك نموت عليك..لي يبغيك تهلي فيه والي ما يبفيكش بعديه وقطعي علاقتك بيه خلي بيناتكم غير السلام..حرزي تقولي نحشم وماعليش وانا ندير الخير..المؤمن القوي خير من المؤمن الضعيف..الي يظلمك ما توليلهش وكلي عليه ربي وعيشي حياتك وبعديه..والي يدير فيك الخير ما تنسيهش وتهلي فيه
ما تكونيش طنحة..الطنوحية ماهيش طيبة وانما ضعف..زيري روحك وربي ماغاديش يخليك..لوكان ربي ما يسخرلكش عباده باش يوقفو معاك حتى حد ما يوقف معاك..
ربي يعاونك