يا جماعة الخير
البارح فوتنا تاست بسيكوتكنيك سونالغاز
كونا تقريبا حوالي 30 او 50 مهندس و ماستر و ليسونس
و كان كذلك حوالي 30 TS
المهم في اول درولنا مجموعات تتكون من 6 افراد و قالولنا تخيلو رواحكم في اجتماع و تناقشو الموضوع ما بينتنا باللغة الفرنسية فقط لمدة 20 دقيقة
ثم كان امتحان فردي ندخلو بالواحد و سقسيونا (الاسم القب ديبلوم اختصاص وين كنت تخدم علاه حاب تبدل الخدمة واش تعرف لغات، قولنا ثلاث كلمات توصف شركة الناجحة ، قول جملة مفيدة بالانجليزية, وعلاه حاب تخدم في سونالغاز , salaire , المهم اسئلة من هاذ النوع كل واحد واش سقساوه)
بعدها فواتنا تاست دومينو كتابي ثم تاست الاشكال ثم تاست ميكانيك ثم تاست الراضيات حسابات بدون استعمال آلة الحاسبة ثم تاست كلمات بالفرنسية و تبحث على الكلمة الدخيلة وكل تاست يكون فية تقريبا 40 سؤال والوقت ضيق 20 دقيقة و تحتاج الى السرعة و الدقة و التركيز
هذا هر تاست بسيكوتكنيك و يلي ينجح يعطولو بعد شهرين تاست آخر ادعيولنا و ربي يوفق الجميع