منتديات الجلفة لكل الجزائريين و العرب - عرض مشاركة واحدة - الجزء88 من واش طيبتي؟ مبروووك لكل العرسان والعاقبة اللي مزالو

ريتاج تيارتية · 2014-09-07, 14:28

السلام عليكم ورحمة الله وبركاته

يسعدني ويشرفني اني ولاول مرة نفتح الكوزينة الجديدة ان شاء الله تكون فال خير عليا وعليكم راني فرحانة بزاف

الايام الماضية درنا عرس ولد خالي بهدي المناسبة بغيت نجيبلكم قليل من الصور للاسف هدا ماقدرت نصورلكم

اول شيء هدا الديكور تاع العرسان خدموه في الدار لاخطر العرس داروه في دارهم

وحنا عندنا اللي ماعندوش ليتساع يخدم برا قيطوون كبير ههه

غايا
العقوبة اللي مازالو

هدا القاطو اللي خدمناه

انا خدمت تاع البيضة وقاطو نص بنص والبقلاوةومقروط وعباد الشمس
والقاطو لوخر تشاركنا فيها
كل نوع خدمنا فوق المية وتاع ليباني 350 حبة من كل نوع

هدو ليباني خدمنا 350 باني للنسا ولليجون اللي حضرو للحنة
خسارة راتلي صورة البياس مونتي

هدو درناهم للنسا

وهدو للرجال

هدي الروينة خرجوها معروف نهار الطعم يعني نهار قبل العرس