نكت خفيفة
كتب طالب في ورقة الامتحان
صمتي لا يعني جهلي
ولكن ما يدور حولى لا يستحق الكلام !
فأخذ الشهادة مكتوب فيها:
رسوبك لا يعني فشلك ولكن خفة دم أمك دي
هى اللي مودياك في داهية !
***********************
تعريف الزوجة
هى غلطة، ورطة، وطول العمر ربطة !
يا تصيب، يا تخيب، يا تجيب جلطة.
***********************
قيل لأحدهم: أتحب أن تموت زوجتك؟
- قال: لا !
- قيل: لم !؟
- قال: أخاف أن أموت بعدها من الفرح !!!
***********************
واحدة تقول لزوجها: يا ريتنى اتجوزت إبليس ولا اتجوزتك
قال لها : لا ... لا يجوز أخ يتجوز أخته !!!!!
***********************
زوج بيبكى في جنازة مراته
سألوه: كنت بتحبها قوي كده؟!
قال أبداً ... بس أصلى سمعت إن البكاء بيعذب الميت !!!
***********************
غبي سرق مليون جنيه وراح دفنهم فى حفرة
وكتب عليها (مفيش فلوس هنا) !!
راح حمدان ولد خاله خد الفلوس وكتب على الحفرة
(حمدان مخدش حاجة) !!
***********************
واحد أهبل مراته ولدت بعد شهر من الجواز
الناس سألوه حصل كده ازاى ؟؟!!
قال لهم: أعوذ بالله من الحسد ياناس
***********************
واحد خبطته عربية ،، أخذ 50 ألف جنيه تعويض،،
راح وقف قدام القطار وقاله: خش عليّا يا أبو الملايين
***********************
مسطول بيقول لصاحبه : تصدق مخى مشغول
قال له : عادى اقفل واطلب تانى
***********************
واحد بلدياتنا اتصل الساعة 12 الظهر فى رمضان
ببرنامج ما يطلبه المستمعون،
قالوا له تحب تسمع أيه؟
قال لهم أحب أسمع أذان المغرب!!!!!
***********************
واحد إتصل بمراته قال لها حضرى المية السخنة
راح صاحبه قاله: ده أنت حمش قوى
قاله أمال .. يعنى هأغسل المواعين بمية باردة ؟
***********************
سألوا واحد بخيل : لما الجو بيبرد بتعمل إيه؟
قالهم: بأقعد جنب الدفاية !!
قالوا له طب لو البرد زاد قوى؟
قال: بألزق فى الدفاية !!
قالوا له: طب لو الثلج نزل بتعمل إيه؟
قال: هاشغل الدفاية بقى وأمرى لله !!!
***********************
واحد غبى إتقدم لبنت يخطبها !!
قالت له: أنا آسفة مش هاقدر أرتبط بيك
علشان جوايا شخص تانى !!
قال لها: بلاش فلسفة وقولى إنك حامل !!!