عيدكم مبارك
فكرتوني في يامات بكري
انا كي كنت صغيرة كنا نوضو الصبح بعد ما يروح بابا و خاوتي لصلاة العيد انا و اختي نروحو نغسلو الحنا من يدينا لحضات لا توصف بكلمات و نعاونو ماما فالشغل تاع الدار و بعدها اللحضة الحاسمة كي نحو القردون انا و اختي و تمشطلنا ماما و تلبسلنا حوايج العيد و بعدها نسلم على العائلة تاعي بعد صلاة العيد و نشد الدراهم من عند بابا و نخرج نلعب مع صحاباتي فالحومة و لعشية مور لفطور نروح نشوف العائلة
الله يرحم يامات بكري البنة تاع العيد راهي تنقص عام بعد عام ما نعرف ادا السبب هو كي راني نكبر و لا حاجة اخرى
شكرا على الموضوع الرائع فكرتوني في يامات بكري