زلزال العاصمه
نــــــــــــــــــبدا بسم الاله واحد الاحد >> ســــــــبحانو عالم الخفا ليه التصريف
عــــــــــالم بناطقه و باكم تحت الركد >> عـــــالم بالطايره و تحت البحرا زحيف
هـــــــو الرحمان و الرحيم على الابد >> حـــــــــــــــــــــليم و كريم بعباد لطيف
خــــــــالق لعبا ذا ابيض و ذاك اسود>>>>> و خـــــــــــالق لنعام كلها شارد و أليف
لــــــــيه التقدير و القضى طول الأمد >>> بـــــين الكاف و نون يطرا أمر اهديف
الـــــــواحد و العشرين من ماي امقيد>>> فـــــــــــيه اتفجأنا ابهز الأرض اعنيف
شـــــــــرق العاصمة البومرداس امتد >>> لـرض اترجت هاج بيها ريح اعصيف
اهــــــــتزت لرض وجا البنيان امهود >>>> قــــــــــــــــــــادر ينفينا و ياتي بخليف
فـــــــي رمشت العين هزه مثل الرعد >>>> صــبحو فالعرا القاصر و اللي ضعيف
اقــــــــصور امشيده امراصمها تشهد >> رجــــــــعت حطام و العباد ابدم نزيف
القــــــــــــــــــوه للواحد الفرد الصمد >>>> يــــــــــــفعل ما يشاء في لمح اتهتريف
فـــــــــي عشوه نعمين جلسات اعوايد >>>> وسـط احواش مزخرفه بنوار اضريف
فـــــــــــــــــرشات امبسطه قيمه زايد >>> و امــــطارح ويزور و امرافق لضيف
و ســــــــــــفاري مختالفه فوق موايد >>>>> و فـــــــــواكي متنوعه من كل اصنيف
فــــــــــــــــي لحظه ولات لعمامهامد >>>> هـــــذا مات هنا و لاخر تحت ارصيف
شـــــــــــيوخ و شبان صبى و الراشد >>>>> و اللــــــــــي مفقودين دفن ابلا تعريف
هــــــــــــذا داهش ذاك مجروح ايكمد >>>> و المـــــرو اللي تاه وين ايصيب واليف
بـــــــــعد الهزه جاالشعب على موعد >>>> الـــشرطه و الجيش و الاسعاف خفيف
و الـــــــحمايه جات و الشعب اتواعد >>>> و الســـــــــلطه و اعوانها قايد و خليف
ولايــــــــــــــــات اخرين قامو بالمدد >>>> غاشـــــــــــــينا شعارهم غيره و النيف
بالــــــــــــــنفس و نفيس قدم ما يوجد >>>> الـــــــــخو للخو مايشد الغيض احسيف
هــــــــــذي خصله سابقة من جد الجد >>>>> مـــــــــن ينكر هذاك ما شاف امعاريف
مـــــــــــعروف الجزائري قديم العهد >>>> و مـــــــــــــــعروفين ابدينا هو الحنيف
لازم تتــــــــــاحادو مع الموقف واحد >>>>> يـــــــــــا ربي ندعوك دعات الضعيف
وصـــــــــلت اعانات من كل امقاصد >>>> فــــــــي وقت الصعاب تعرف الحليف
عـــــــــــــــز البهجه يرجعلها تتعاود >>>>> و علام الــــــــبيضه ايرفرف اترفريف
يتـــــــــــــــــــــعلى بنيانها بني امعمد >>> و ابـــــروج البهجه اتبان بورد احفيف
بــــــــعد الغبن انشاهدو بنت مع الولد >>>> فــــــــــــالجامعه و مدارس و متاحيف
تـــــــــــــبر الجراح و المساكن تجدد >>>> و يروح الحزن من القلوب ابلا تخويف
اللـــــــــــــــي ماتو اجلهم كان امحدد >>> رحــــــــمت ربي واسعه العبد اضعيف
مــــــــــن يطمع فالحريم طمعو مؤكد >>> بلجوهر نـــــــاظم لبيات ابقلب ارهيف
دعـــــــــــــــوتنا بالخير للبهجه تسعد >>> و يشعشع بســــــتانها و امطار اخريف
تــــــــــــــــــممنا لبيات يكفي هذا القد >>>> ثلاثــــــــــــــه و الالفين تاريخ التاليف
الــــــــــــف صلات على النبي محمد >>>>>> و الســــــــــلام عليه خالص بالتعطيف