[مريم الصابرة]

المشاركة الأصلية كتبت بواسطة وليد1990

انا والله ماعندي حاجة في الاجنبية بالعكس مانشتيهمش

اما السوارة هوما لاباس عليهم بصح منشتيش جزائرية تخمم في غير جزائري انا غيور من هاد الناحية سلعة البلاد مايديهاش البراني

زعما انتي الفاهمة والعاقلة هذووووك الي راكي تشوفي فيههم ف المسلسلات يخي عارفاتيهم افتراضيين ومعيشتهم مش صح هاك

زيدي في كل مسلسل يركزوا على عنصر الابهار ويخيرو في الممثلين بالحبة الي كاينة عندهم يخرجوها

ا وفي السيناريو يركزو على الرومنسيات والميثاليات وصتاعة الاحداث الي مكاش منها .....ولا في رايك راهم صح عايشين هاك يخي جاونا للدزاير وعرفناهم وشفناهم يخي والو والووووووو كيما حنا كيما هوما مش مختلفين عنا اصلا

مالا متككثريش من المسلسلات وانا ظني بيك انسانة عاقلة مش انتي الي تتمناي الزواج بالسوارة لمجرد انهم يعجبوك في مسلسلاتهم

السلام عليكم اخي
الله يبارك يا الفحل الله يكثر من امثالك تغير علينا مليحة هذي وجديدة
ما تخممش اخي ختك مريم تحب المنيرفي كيما هي ما تحبش راجل مرخي هههههههههه وهذي الخصلة فولاد بلادها برك كون هاني
وكيفاه هذي ندير على المسلسلات او اعجب بفنانين ونبهر بيهم لا ابدا عارفة خرطي في خرطي وحياتهم كامل رهج
انا نحب الشعب السوري فقط لانهم يشبهونا في بعض العادات
اما اني زعمى مبهرة بيهم من خلال مسلسلات لا ابدا ولا انكر احب مسلسل باب الحارة رائع وشامل وعادات إسلامية رائعة
اما الزواج امر الله ومكتوب لكني نحب وليد بلادي فيه وعليه
شكرا لك