هي حلوى رائعة جدا للمناسبات و الاعياد اليوم نعطيلكم الوصفة و كي نطيبها نعاود نحط لكم التفاصيل بالصور باذن الله
لتحضير هذه الحلوى المقادير:
3صفار بيض وبيضتان
250 غ مارغارين en pommade
كاس سكر ناعم
3كيسان فرينة الاطفال الرضع(bledinaاو nestlé بذوق العسل و القمح)
1 ملعقةاكل فانيلا
1/2كاس مايزينة
1باكي خميرة كيميائية
والفرينة حسب الحاجة
للتزيين شكولا طة و مكسرات(كاوكاو او بيستاش او لوز)
أو معجون و noix de coco
أو قلاصاج خفيف لكم حرية الختيار
وطريقة التحضير كالآتي
نقوم بخلط السكر الناعم مع الفانيلا والمارغارين او الزبدة ثم نضيف البيض والصفار ونزيد عليه 2 كيسان تاع blédina
ونضيف مايزينة مسيرة مع الخمارة , هنا الى شفنا الخليط بدا يعقد نلموه بالفرينة و لا مازالو شوية جاري نزيد الكاس
الثالث تاع bledina ونكمل بالفرينة طبعا حتى الحصول على عجينة طرية و نخلوها ترتاحربع ساعة الى 1/2ساعة
بعد ما ريحت نشكلوها كما نحبو ,بكري كنا نديروها كريات و الان نقدرو نديرو اي شكل لي نحبوه كما المخبز مدور و لا قلب و لا كرية و لا اصابع , برك هنا الى حبينا التزين بالكاوكاو نغطسوها في بياض البيض ونرمدوها في الكاوكاو ونطيبوها في فرن مسخن مستقا في 160ْ لمدة 15 الى 20 دقيقةبو اقل حسب الفرن تاعك سيدتي و التزين كي تبرد نغطسوها في معجون ونرمدوها في noix de coco او شكولاطة ذايبة و نذرذرو فوقها بيستاش او كاوكاواو كوفريت مرحي خشين,انتم و االذوق تاعكم ,تفننو في التزييين ,يمكن كذلك تغطيها ب قلاصاج خفيف منمر او منقط وايضا تقدري
ثانيك تقدميها كحلوى معسلة و ذلك باضافة الى الخليط كاس كاوكاو او لوز مرحي متوسط وننقصو كاس تاع bledinaونغطسوها في بياض البيض ونرمدوها ب الجلجلان او اي مكسرات تحبوهم وبصحتكم ونوعدكم باذن الله اني نحط التفاصيل في اقرب الاجال
راني تعبت في هذا الموضوع بزاف ارجو ان ينال اعجابكم
و دعوة منكم ان يرزقني الله بذرية صالحة
فقط ملاحظة بالنسبة لفرينة الرضع انا افضل nestlé