[النور نور اليقين]

اللي ولات كرة القدم عصب حياتهم و سبب نكبتهم و همهم
اللي نساو بلي الدنيا ما هي الا متاع الغرور
اللي حابين يعرفو علاش المنتخب تاعنا بالذات دونا عن غيره
بالرغم من توفر كل الامكانيات
انا نقولكم بالاك نسيتو بلي كلش في يد ربي
حتى اوراق الشجر و رموش عينينا كي يطيحو
بيناتنا - شحال من واحد فينا كي تلعب ليكيب ناسيونال يطيش صلاتو
ما تقارنوش بينا و بين الانجليز و اسبانيا على خاطر هادوك كفار
و ربي اعطاهم الدنيا على خاطر حابينها
اما احنا فكثير منا يدعي بانه مسلم
و الدنيا جنة الكافر و سجن المؤمن
كرة القدم مجرد لعبة
صح نحبو بلادنا تربح
بصح كي تخسر ماشي معناها نبداو نسبو في الناس و نشككو في الوطنية تاعهم
راهي لععععععععععععععععععععععععععععععععبة
كاين بزااااااااااااااااااااااااف حوايج اهم

شوفو واش قاعد يصرا في خاوتكم المسلمين في الصين
https://www.youtube.com/watch?v=J9iPDPP6Iv0

شوفو الطفل الفلسطيني كيفاش يهان
https://www.youtube.com/watch?v=jmaam...eature=related

شوفو اختنا الفلسطينية كيفاش تهان
https://www.youtube.com/watch?v=Hq4j3...eature=related

و ماتنساوش البوسنة
https://www.youtube.com/watch?v=0ElxYzl17ds

و هنا في الشيشان - في غيابكم يا الرجال المسلمين
النساء و البنات راهم يحاميو على عرضهم و على الامة ككل
https://www.youtube.com/watch?v=-g-zOJJCztw

شوفو الناس اللي تعرف ربي لاخر لحظة في حياتها
https://www.youtube.com/watch?v=InHGPJz4Cio

شوفو هاد الفيديو باش تعرفو النعمة اللي راكم فيها
https://www.youtube.com/watch?v=5eb6CYlUqJ0&feature=fvw

هل عندكم ابن ولا اخ كيما هذا
https://www.youtube.com/watch?v=2WZoWgdiz8Y

عمركم خشعتو كيما هكا
https://www.youtube.com/watch?v=uomIX-of7xU

حتى اللي ما يعرفوش العربية قدرو يعرفو ربي و يعرفو قدره جل جلاله
https://www.youtube.com/watch?v=Jpch9ip98S8

وفي النهاية كامل رايحين نفوتو على لبلاصة هادي
https://www.youtube.com/watch?v=4m-a3-TjA_M

و امور اخرى و جعني قلبي منها ومانيش قادرة نزيد نحط اكثر
حوسو وحدكم كاشما ترجعو لربي
على خاطر الاسلام ماهوش صلاة وصيام و حجاب برك

بالله عليكم تجاوبوني
لوكان جينا كامل على الاقل
نصليو في الوقت
نصومو دون غضب
نصدقو كل يوم ولو دينار

كون راه هذا حالنا
ربي اللي في يده كلش
لا دولة لا مسؤولين

و السلام عليكم و رحمة الله و بركاته