[✗ ┋ وَړْﮃَةُ آلـﭴَزآئـړْ ┋ ✗]

المشاركة الأصلية كتبت بواسطة °واحد من الناس °

اختي انا جربتها العام لي فااات وبجنب منزلنا مي والله مضيعة للوقت
نص ساعة والشيخ مجاش نص ساعة فوضى نص ساعة حكايات ونص ساعة قراية

وحتى لو ثلث ساعات قراية نفضل ساعة قراية وحدي


اختيس اذا كانت عندك قدرة فهم
ننصحك بالكتب المساعدة

والله عندك حق أخي كاين ليكور تع تمسخير وأنا درت من قبل ليكور وندمت عليهم
شفيت درت ليكور في الفرنسية في الرابعة متوسط ب 500 دج ندخلو عند الأستاذة تحطلنا الأستاذة تمرين واحد تدخل لدارها ساعة كامل تقولنا حلوه ضرك نرجع الغاشي يشيخ وينقل ومبعد ترجع تبقى نص ساعة زعما نحلو فيها التمرين
بصح هاذ ليكور تع العام هذا خيرتهم بعد بحث طويل
كيما تع العلوم أستاذتنا في القمة تعاودلنا الدروس تع القسم لكن بصيغة أخرى
مثلا درنا في القسم نشاط على تركيب ARNm في النواة ف ليكور تعودلنا العنصر لكن بنشاط جديدقالتلنا هكذا باش تفهمو أكثر ونحلو تمارين الشهادات السابقة
والأستاذة تاعنا حلت تمرينين في القسم تعاودو نفسهم في الباك العام الماضي
بالنسبة للرياضيات والفيزياء الحاجة اللي عجبتني أنو ماراناش بزاف في الفوج والأساتذة يعاودولنا الدروس ويمدولنا حوايج جدد ما درناهومش في القسم (ماعاد أساتذتنا في القسم ربي يجيب) وقالولنا على الإجابة النموذجية في البكالوريا ( مثلا كي نحسبو نهاية ونلقاو حالة عدم التعيين ما نكتبوهاش 0/0 كاعاد هكذا يهلكونا في التصحيح نكتبو فقط ح.ع.ت ورموز الإستلزام والتكافؤ ما نديروهاش خلاص في ورقة الإجابة)
ونحلو اختبارات الولايات الأخرى يعني ملاح الدروس الخصوصية اللي نديرهم مشكلتي كيما قلتلكم هي الوقت باش نحل تمارين الكتاب
رانا قريب نخلصو الاشتقاقية في الرياضيات وأنا مازلت نحل في تمارين النهايات والاستمرارية والفيزياء دخلنا النشاط الإشعاعي وانا مازلت في الوحدة الأولى.