اقتباس:
المشاركة الأصلية كتبت بواسطة *أنسام*الجنة*
السلام عليكم ورحمة الله
شوفي انا كنت صغير و حبيت وحدة كانت تقرا معايا و ين المشكل
قالت ماكان حتى مشكل بالصح حبيت نعرف واش اسمها و وين راهي ضرك؟؟؟؟
قال لها ضاحكا..... الغيرة تاع النسا ههه
يسموها فلانة و راهي متزوجة ارتحتي ضرك
ههههههههههه
قالت له ...ايه ارتحت
...........
ام خولة: وكانت تقعد معاك والا وراك والا قدامك ؟؟
ابو خولة: واش راح يفيدك دوركا يخي الطفلة تزوجت وافرات
ام خولة: لا حبيت نعرف برك جاوبني
ابو خولة : كانت تقعد قدامي وانا خلفها باه نعسها ..خلاص فكينا من هاد السيرة
ام خولة: واعلاه زعفت يخي راني غير نسقسي ما قلت والوا ...
ابو خولة :راه يكمل يلعب مع خولة والزوجة راهي تخمم وادور في الهدرة في بالها (راكم تعرفوا احوال النسا حتى لو قاللها ميته وتبقى تغير هههههههه)
ام خولة: وووو دوركا جابت دراري والا لالا
ابو خولة : زعما نسا باه تبدل الموضوع ...شكون هادي ؟؟
ام خولة: الى كنت تحبها
ابو خولة : يا مرا ربي يهديك دورك راهي عندي ام خولة وخولة بالدنيا ..مكانش نسا بعدك ..اغلقي علينا هادالموضوع يرحم والديك
ام خولة : الفرحه راح تخرج من عينيها ..خلاص راني سكتت ..تشرب تاي والا قهوة ؟؟
ابو خولة : الى جات من عندك مليحه
........ هذا وين وصل خيالي هههه
|
و هذا ما كنت افكر فيه تقريبا
مع بعض الحدة في اقوال ابو خولة
شكرا اختي على التفاعل الجميل
بارك الله فيك