بسم الله الرحمان الرحيم لقد قرأت الموضوع و قرأت الردود
أقسم بالله لقد إحترت عجبا و مت كمدا
يعني الإنسان فاضي مو لاقي وقت غير أنه يتفرج على مسلسل يعني أصبح الواحد عاجز باش يرفد كتاب و يقرا كيما يحب هو
تعرفو إخواني يفاه نشوف في هاذ المسلسلات
أولا خلينا ندرسوا واشنوا التلفزيون و هاذ المسلسلات
أرفدها قاعدة : اي واحد يريح و يقابل التلفزيون يتفرج على مسلسل === إنسان فارغ شغل
فارغ شغل === عقلوا راه في راحة ===== يستقبل أي حاجة دون مناقشة ====== تروح للعقل لا معقول أو البعيد و تخزم لتم
كي نوض سي خونا و يرجع للواقع ديالو يبدأ يطبق واش أقتنع بيه من غير إرادتوا في الواقع يعني كان شاب مليح نقي يخاف ربي
تبع مسلسل غرامي أول طفلة في اليسي راح يحاول يطبق معاها صح و لالا ؟
بينما كي يرفد الواحد كتاب و يقرأ على قصة سيدنا يوسف
أول حاجة راه عمر وقته بالمطالعة و هادي حاجة مليحة
ثاني حاجة راه يبدأ يناقش ما يتقبلش قاع الأفكار تاع الكاتب
ثالث حاجة يتعلم أسلوب الكاتب في التأليف
رابع حاجة يزيد رصيده اللغوي
و ما يغضبش ربنا و يشوف هاذوك النسا لمعريين فكما يقول المثل " كثرة المساس تفقد الإحساس "
....... و بزاف من الفوائد نتاع المطالعة
أنا أدعوا لمقاطعة كامل القنوات بإستثناء القنوات الإسلامية الحقيقة و هكذا تكون متحرر فعلا
أرجو أن تتقبلو فكرتي