[bessma D]

المشاركة الأصلية كتبت بواسطة le chardon

انا صراااااحة خدعتني البنت لي كنت حاب نتزوج بها
كنت نعرفها في الجامعة وكنت ناويين الزواج بعد التخرج من الجامعة
المهم تخرجنا انا واياها هي في تخصص وانا في تخصص وراكم تعرفو بلي شيئ صعب باش تلقى خدمة مباشرة مع تخرجك وزيد الخدمة الوطنية تستناك
الخدمة ماكنش حاير فيها لان الوضعية الاجتماعية كانت الحمد لله نفاهمت معاها باش نروح تجوز العسكر نتاعي ومين نجي نديرو العرس لكن للاسف خدعتني جا واحد خطبها و تتزوجت مين قلتها كيفاش قالت لي الله غالب راك تعرف ما حبيت نستنا وجا واحد خدام والمسكن نتاعه وكل شيئ متوفر وانت مازال ليك تخدم ومازال حوايج كثييييرة قلتها كيفاش على الاقل تقوليلي وتحكيلي على لي خطبك وزيد تفاهمنا بعد الخدمة الوطنية نديرو العرس 18 شهر فقط قالت لي ما حبيتش نجرحك
من هذه كرهت صدقوني البنات وما بقيت ندير الثقة فيهم وديت عبرة انه هداك الحب قبل الزواج ماكانش منه خلاص مهما يظهر لك واذا حبيت تتزوج دير كيما دارو والديك
وجدك روحك واستخر الله عز وجل وتوكل عليه
بالرغم من هذا مازال قلبي مجروووج صدقوني وراحت ليا فكرة الزواج وراني نفكر نبقا هكداك
ندعو الله باش يزيل علينا وسواس الشيطان ويخلينا نكملو نصف دينا

توكل على الله هو الذي يختارك بنت الحلال و ليس انت
يعني ان البنت تخاف من الذي يعدها فقط و تثق من الذي يريد خطبتها و لا تلوم البنت بل لوم نفسك لأنه لا الوقت و لا الزمان كانا ملئمان لتنتظرك
توكل على القادر الذي يستطيع ان يرزقك أحسن منها و اختار صاحبة الدين و لا تخاف