[البرعم الندي]

اقتباس:
المشاركة الأصلية كتبت بواسطة madman_dz24
واش من عام يا ما ، شا ندير بلقرايا ربي يحفظك خليني نراطي شوية عوام باش نتلف و باش ننسى السرفيس ميليتار ، ها هو صاحبي عبد الله كمل لقرايا عنده 10 سنين و مازال ما لقى خدمة ، تعرفي شا راه يدير ؟؟
الأم : شا راه يدير ؟؟
محمد : راه داير طابله تاع دخان عند الليسي ، وكل يوم يطيحوا عليه لابوليس يبهدلوا فيه و يقولوله انت اللي راك تبيع الزطلة .
هذه هي لقرايا اللي راك تحكي عليها ، نزيدك حاجة ، صاحبي لخضر الله يرحمه كمل في 2008 و هو الماجور تاع البرومو ، كي كمل قال نروح نفوت لارمي نتهنا منها و نولي ، جاته لوردر أبال في تيزي وزو ، و من زهره مسكين واحد المرة خرجوه أمبيسكاد و نورمالمو ليزابلي ما يخرجوش أمبيسكاد مي رانا في بلاد ميكي و مسكين كي خرجوه في الطريق طرطقت عليه بومبا ، الله يرحمه .
شفت يا ما لقرايا شا دير في بلادنا يا تديك للقبر يا تديد للحبس .
الأم : يا ويلي على ولدي ، شوف مااليوم ما تزيدش تروح تقرا ، ما رانيش مستعدة نخسر الكبدة تاعي .
و من ذلك اليوم ازدادت الأمية في الإنتشار حتى صارت نسبة 60 بالمئة من الشعب الجزائري تعاني من الأمية مما أدى إلى انتشار الجهل و شتى أنواع التخلف حتى صرنا نسمع بحروب تقوم بين سكان حيين في العاصمة من أجل أسباب تافهة ، حتى صرنا نتذكر الحروب القبلية مثل حرب البسوس و حرب الداحس و الغبراء التي قامت لأسباب تافهة .
و هنا نترك المجال للمسؤولين ليكملوا لنا القصة ............ تفضل يالمسؤول كمل لحكايا ، احكيلنا شا غادي يزيد يصرا ؟؟
حرب أهلية جديدة زعما ؟؟

_بعيد الشر_ هههه



ومباعد منذ ذلك اليوم اصبح الشعب الجزائري في تناقص مستمر .....مستمر..........مستمر حتى قريب انقرضو قـــــــاع لكن من حسن الحظ كانت هنا بعض القبائل تعيش في الجنوب في الحراء و هي من البدو الرحل ولم يكن لهم علم بكل ما حصل لكن لحسن الحظ تنقلو للشمال لأن الماء خلاصلهم و الابار نشفت و المطر طولت مصبتش
كي وصلو للجزائر حلوووووووو فمهم من الدهشة ومن شدة هول ما رأو لم يجدو بشرا فقط روائح و جثث مرمية هنا و هناك لكنهم صرخو فرحة و طارو في لسماء لما راو المياه ...... واخذو يشربون ثم قررو دفن الجثث و اعادة اصلاح البلاد وراحو هدمو كل البنايات و جابو الخيم حرقو السيارات و جابو الجمال و هكذا اصبحت الدزاااااير *بدوية ثم قاموبــــ...................كملوووووووووووو





قاموب...................

الام : واشبيك محمد مزالك ما نوضتش ..
ناض محمد المسكين مخلوع
ياااااااااه يا يمى كنت في كابوس
الام : ياخي زعما قلتلي راني نايض هاااه
بصح مارايحش نقرا .....
نروح للقهوة نقعد.......نقصر شوية


محمد : والله زيدت رقدت البارح ما رقدتش بكري كنت ساهر مع المكرو في منتدى الجلفة
صايي انا اونايض وجديلي الحليب .....

تناول محمد فطوره و...........................

كملوها نتوما وما تنساوش الجني اللي جاء من الماريكان
سلاااااااااااااااام