[ل..ب..ن..ى]

المشاركة الأصلية كتبت بواسطة لفافطة بلال

ههههههههة الحمد لله يا لبنى أنك رديت بهدوء وبسعة صدر لأنني وضعت لك رد وبعد مدة تدخل أحد الاخوة الاعضاء واسمه
- دريسي عبد الله - وحدرني وقال لي بأن لبنى هي مدللة المنتدى وسترد عليك بكتابة جريدة .....فقمت مباشرة بتغيير ردي عليك لأن المثل يقول ادا دخلت للبيت ووجدت زوجتك تتنهد ماعليك الا الخروج والهروب من البيت ومابالك بامرأة عضوة في منتدى .......لاني أصبحت أخشى الجدال مع النساء !!!!!!!!!!!!! المهم ربي سترنا .

اما ردك الان فمعناه انك تعترفين بهته الأفعال ....وتقولين ماعلاباليش ......تركتني بلا عقل وقلت ربما هته اللبنى نية أكثر مني لانه واقع نعيشه كل يوم .

وأنت قلت كلمة صريحة جدا جدا قلت
مانقولكش مانحبش يكون زوجي المستقبلي بخير عليه
وانما هادي غريزة في الانسان
يحب يكون مرتاح

وأنا معك في هدا الكلام صحيح أنني في الوقت الراهن لا أملك سيارة ولا منزل ولا أموال لكن أحترم شروط المرأة التي اريد ان أخطبها حتى لو كل نساء العالم هدا هو مطلبهن ولله لأتفهمهن يفضلن العيش مع زوج ميسور ولا يتعدبن في حياتهن لأن المعيشة اصبحت غالية .
لكن ان الفتاة تسقط من انوثتها واحترامها وقيمتها كامراة بسبب شئ اسمه سيارة ولله عيب كبير ....?????
على الاقل تعشق رجلا لديه فيلا وسيارة واموال + اخلاق وتدين وشهامة وتتمنى في قلبها ان يكون شريك حياتها .
لكن ان تكون كل يوم في الشوارع بتلك الطريقة مع كل الرجال من سيئهم الى أسواهم وهي لا تعرفه اصلا ولا تعرف من اين اتى ولا تعرف فصله ..... وربما كان سفاحا مجرما الفتاة التي تصعد معه يدبحها ويرميها
ادا هنا يصبح هدف الفتاة لما تصعد معه في السيارة ليس الـــــــــــــزواج وانما لكي تفعل معه المحرمـــــــــــــــــات في مكان لا يشاهدها أحد من الناس أو الجيران او الاهل وتحس في قرارة نفسها أنها انسانه عضيمة وجدابة وجميلة واستطاعت ان تركب مع رجل في سيارة .

صحيح انني لا أملك مستوى علمي .....مستواي 1ثانوي ولم أدخل الجامعة مبسح راني فاهم يا الجامعيات لا تضنون انني غبي لا أفهم مادا يدور حولي ........ههههههههههههة

ربي يحفظك يا لبنى وانت وجميع الاخوة والاخوات وتهلاي بزاف في العضوة الجوهرة الدهبية ...كانت في القسم الرياضي ثم تركتنا وغادرت زعفانة لكن اعرف انه ترجع لقسم الرياضة والان هي تفكر بالرجوع .

اسمحولي اد لم ارد عليكم لان ردودي قاربت على الانتهاء شكرا

هههههه

ماشي من حقي نكون سبب في حدف ردك
راه كاتب رد بالابيض

هادي طبيعة في الاعضاء مرتادي الخيمة الجلفاوية
يكتبولك رد يطلع لاطونسيون
ويقولو راني نزعق مي يكتبوها باللون الابيض

كي تكتب رد ماتحدفوش الا ادا شفت روحك غالط
وانت ماغلطتش
هدا نقاش ياك!!

لازم انا كعضوة ندخلو نتقبل اي راي
ولو كان مخالفا لرايي


بالنسبة لواش قلت ..........
حتى واحد مايكدب على روحو ..........
كامل يحبو الراحة ....

شكون ماتحبش تعيش كيما الملكة؟؟؟؟؟؟
مي لازم تعيش كيما الملكة مي ماشي مدلولة

ايماجيني انا نشوف في واحد على جال لوطوه
ومبعد يكتب المكتوب ونتزوجو
واش راح يخمم؟؟؟
اكيد يقول كيما حبتني على جال اللوطو راهي شافت في 500000 واحد قبلي
خاطر ماشي غير هو اللي عندو اللوطو
الناس كامل عندهم اللواطا
مي العقليات مختلفة

واش نقولك ؟؟؟
صح الفقر ماشي حاجة تعيش عليها
وراح نفضل واحد بخير عليه على واحد فقير ادا كانت عندهم نفس الاخلاق ونفس التخمام
يعني ادا رجع الحكم للمال برك
اكيد نحب نعيش بخير عليا

واش قلت؟؟؟
راني نيفو 1تانوي مي نعرفكم يا بنات الجامعة

نقولك انا ......... ماتعرف والو والله
ولو كنت جامعي راك ماتعرف والو على البنات

النية......... مازالنا نية في بزااااااااف صوالح
ياك الدنيا مدرسة.......والمدرسة فيها علم ............ والعلم شحال ما تدي منو يكون خصك بزاااف

ايمالا انا مانعرفش وانت ماتعرفش
وربي العالم


ناكد على حاجة: البنات ماشي كيف كيف

مثلا انا نسمع بفلان دار حاجة
هو راجل
دار حاجة ماشي مليحة

راح نحكم على كامل الرجال كيفو؟؟؟؟؟؟؟

ماشي من حقي
حرااام عليا نديرها

المهم ربي يسترنا ان شاء الله
ويا ربي كقر من بنات الفاميليا

انا نكثر في المنتدى
نهبل
خاطر منارفيا شوية ..... وادا شفت تعميم نقول راهم عليا
ايا نجبد الماتريال ونبدا الحرب ههههههه


شكرا اخي
وكي تكون في النقاش اهدر على راحتك
خاطر اللي مايحبش النقاش وعلاه دخلو ؟؟؟؟؟؟؟؟

صح فطوركم
وعيد سعيد



سلاااااااااام