اقتباس:
المشاركة الأصلية كتبت بواسطة مجيد 88
يا اخي انا دفعت باللغة العربية وفوتت الطبيب والبسيكو وقبلوني
قالولي استنا حتى يجيبولك الشرطة استدعاء للمنزل
اتمنى ان تفيدني بما سياتي بعد هذه الامتحانات
|
شوف يا اخي الكريم
بعد دفع الملف وقبولك على مستوى ولايتك
تطلع قائمة الناجحين لكل ولاية للمديرية العامة للامن الوطني بالعاصمة (حيدرة drh )
وبعد ذلك تبعث عن طريق ولايتك استدعاءات اجراء الامتحان الاول
يصلك الاستدعاء عن طريق الامن الولائي او امن الدائرة والامن الحضري الخاص بك ( يتصلو بيك في الهاتف النقال لاستلام الاستدعاء)
الامتحان الاول :
يبعثوك للمدرسة القريبة ليكم للشرطة اظن ان ميلة قريبة ليكم
1 تفوت عند الطبيب يشوف النظر والطول والميزان والرجلين والجسد ليتحقق انك غير مريض او عندك عملية جراحية
2 * يعطوك مجموعة من الاسئلة اجابة بنعم او لا
المرة الاولى يعطوك 300 سؤال
المرة الثانية 500 سؤال
وممبعد فيها عمليات حسابية بسرعة
ملاحظة : اغلبية الاسئلة مكررة بصيغة مختلفة يجب التركيز
يتم تصحيح الاجابة وبعث قائمة الناجحين للعاصمة كما قلنا
الامتحان الثاني :
بعد النجاح في البيسكوتقني يبعثولك تاني استدعاء الي هو اجراء الامتحان الكتابي
1 * في الثقافة العامة
2* في الجغرافيا الاقتصادية
3* في القانون العام
( سؤالين لكل مادة تختار واحد فيهم )
ان شاء الله مين يقرب الامتحان الكتابي راني نوافيكم بالمواضيع الي تطرح كل سنة تقريبا
بعد تصحيح الاوراق وترتيب النتائج تبعث القوائم للعاصمة كما قلنا سابقا
الامتحان الثالث :
1 * الامتحان الشفهي
راح تلقى ضابط ومعاه عميد او عميدان اي حاجة تجي في بالهم يسألوهالك
انا مثلا اعطاني ورقة صغيرة فيها سؤال على الغزو الثقافي
وكاين الي سالهم على كرة القدم ..... كل واحد وزهرو وتحضيرو راح نساعدكم مين تقرب الامتحانات ان شاء الله
2
* امتحان الرياضية :
فيها 400 متر بسرعة قصوى
ورمي الجلة 5 كلغ لذكور و3 كلغ للاناث
ملاحظة هامة : تفصل مدة الامتحان عن الاخر حوالي شهر ونصف يعني اذا كنت تقرا ماتسمحش في قرايتك وتقول راح ندخل وادا كنت خدام الله يعاونك .
واش نقلك خويا لعزيز ان شاء الله تكون من الناجحين
لازم تؤمن بربك والي كاتبها ربي تجي
الي فيها الخير يجيبها ربي