وانا نتحداك اذا ماراكش داير في بالك سوف ندير الدروس الخصوصية راك رايح تولي في ليتني درت الدروس الخصوصية
كيما صرالي ليا اتكلم عن الدروس الخصوصية اثناء الدراسة اما في العطلة فلا اعرف عنها شيئا
à mon avis راك غالط
انا نقرا شعبة علوم دقيقة وعن تجربة اذا فهمت الدرس très très bien اومادرتش التمارين كي شغل مادرت واااااااااااااالو الاستاذ تاع المادة كي تقولو ديرنا تمارين يوريلك برنامج السنة الدراسية اللي عطاتهولو الوزارة يقولك ماعطاونيش حصص خاصة بالتمارين
ويقزلك اذا دار تمارين مايكفيهش الوقت باش يكمل البرنامج هكذا كييييييفاش راك رايح تقرا تلقى روحك مجبور باش تعوض النقص من جهة اخرى مايروحش عقلك للقرايا فالدار لتعويض هذا النقص parceque لازملك معاك واحد يفهم يوريلك فيما اصبت وما اخطأت ويوجهك
ماعلاباليش علاش تشوفو هكذا الدروس الخصوصية ’ ياك ماراهم يعطوكم حاجات غالطين هي كيفها كيف الدراسة فالمنزل ,صح تخلص دراهم و ماشي خصارة في حاجة تستفاد منها ,تلقى من هو اعلم منك يعطيك مما اعطاه الله اورانا نشوفو بعينينا الفرق بين الناس اللي دارو الدروس الخصوصية واللي ماداروش
والسلام عليكم ورحمته وبركاته