هنا اللوم الاول على الام لان لازم
تعرف البنت اللي راهي تربي فيها
اليوم راح تكون زوجةالمستقبل
ماشي عيب تدخلها الكوزينة
و تعلمها من الصغر
و الله تشوف بزاف هاد
الظاهرة كنت نقرا في الجامعة
كانت تسكن معايا وحدة ماديرش
معانا دالة تاع الطياب ما تعرفش كامل
تخيلوا البراس تاع القهوة تخاف تحطو فوق النار
مي بالشوية علمناها شوية عفايس تاع الدار
و الطياب
و الله حرام تعود مرا في دارها و
ما تعرف تدير والو حشومة
******************************
ثانيا اللوم على الطفلة انا يما
ما علمتنيش نسيي
نتعلم من حباباتي
من الكتابات و نجي نسيي
الطياب في الدار وحدي
المرة اللولا مايجيش مليح
مرة دوزيام يجي هايل
المهم ماشي كي يجي
يديني الراجل لدارو
يلقاني مكسرة اليدين
بيضة ما تعرفش تقليها
و الشغل تاع الدار ما
نعرف مين يبدا مين يخلاص
*************************
بيناتنا مرت خويا كي جبناها
ما تعرف تسيق الفلوتوار
ما تعرفش تحكمو
و الخبز خميز ما تعرفش طيبو
علمها خويا ''سلفها''
كيش تخبز الخمير
و راجلها ورالها التسياق
دك بالشوية بالشوية
عندها 10 سنين عندوا سافا
تعلمت بزاف منا
*************************
قبل ما تتزوج ديرلها تاست
مي عندك طيب يماها و تقولك انا
و الا تكوموندي من برا
و تقولك شوف صنايع يديا
هههههههههههههههههه
المهم في بلادنا كاين و كاين
تبانلي الطبخ فن و متعة
في نفس الوقت
مي تبانلي اغلبية البنات
يعرفوا يطيبوا