[جيجلية]

هذه حلوة مجربتها ودايرة حالة في جيجل قصدي غرب جيجل

- فرينة

- 500غ زيدة

- 2 كيسان سكر رطب

- 2 كيسان مايزينة

- 2 حبات بيض و2 صفار

- 2 ملاعق صغيرة لالوفير ( الخميرة الكيميائية)


التحضير

نخلط المقادير كلها مع بعض طبعا الزبدة ثم السكر مع الخلط ثم البيض ثم المواد الجافة لكن لازم تخليها شوية جارية

نقسم العجينة إلى قسمين واحدة أكبر شوي من الثانية

وحدة نخليها بيضاء ونزيد نشفها بالفرينة حتى تصبح طرية

والثانية نضيفلها 4 ملاعق نوادقوقو و2 ملاعق كاكاو ونزيد نشفها بالفرينة إذا مازال ما تلمتش

- نسبط العجينة البيضاء فوق بلاستيك وكذلك البنية نفس السمك ثم نضع البنية فوق البيضاء لازم يكونوا نفس القياس ثم نزيد نسبط

بالحلال ونروليها 3 مرات يعني واحد اثنين ثلاثة ونقص الحربوش ونزيد نستويه ثم نقطع اصابع وننكمل باقي العجينة

ثم نحطها تطيب فالفرن

وكتبرد نغطسها فالمعجون والكاوكاو او الشيكولة والكاوكاو

جربوها بنية وباهية