أيام كثيره مضت من حياتنا لكن بدون فائده نشعر بأن الوقت يمشي بسرعه بدون مانحس فيه الروتين اليومي نفس الشي أمس نفس اليوم وغدا نفس أمس وعلى هالحاله لكن لو ملأنا حياتنا بشي يفيدنا شي يخلي حسناتنا تزيد شي يخلي نفسيتنا تزين ويخلينا دايم فرحانين نكون أسعد ناس في العالم اعد المحتاجين اكفل يتيم لو ماتقدر ماليا تشارك انت _انتي ومعارفك او اصدقائك وبكذا يكون الأجر اعم وأكثر وراح تكسب اجر اكثر منهم تدري لماذا ؟! لأنك حثيتهم على هالشي حافظ على صلاتك في وقتها حاول أن تخشع قدر الامكان وابعد عنك الهواجيس وأنت تصلي واستشعر إنك أمام الله داوم على الذكر دائما وحتى ماتنسى علق على باب غرفتك مجموعه أذكار في الممر في الصاله وفي اي مكان في البيت حتى ماتنسى والذي حولك أيضاً ماينسون واظب على أذكار الصباح والمساء ففيها راحة نفسية عجيبة تبسم في وجه الناس فعلى كل ابتسامه تكسب صدقه وتفرح قلوبهم وتخليهم يحبونك اكثر واكثر ابعد عنك الحسد والحقد والغيره وخل قلبك أبيض نظيف ترى الدنيا والله ماتسوى إننا نغتاب بعضنا بعض إحرص على إنك تقرا القرآن يوميا حتى ولو نص وجه خل قرآنك جنب السرير قبل ماتنام إقرا لك شوي أنا اليوم إغتبت؟ جرحت أحد ؟ سببت أحد؟ أنا اليوم ماجلست مع أمي كثير؟ أنا اليوم ماإستغليت يومي بشي يفيدني؟ حاسب نفسك قبل لاتنام وانتظر غدا ياتي لكي تصحح أخطائك ويكون يومك أحلى من الامس