هاد يا سادة يا كرام كان في ملك وهاد الملك كان الو وزير وهاد الوزير كان كتير مقرب من الملك ودايما معو ودايما بشور عليه وبساعدو بس كل ما يصير اشي مع الملك بنط هالوزير وبحكي للملك " لعلو خير " اذا الاعداء هجموا " لعلو خير " اذا الاسعار ارتفعت " لعلو خير " اذا حدا مات " لعلو خير " شو ما صار " لعلو خير " المهم بيوم من الايام طلع الملك وزيرو هاد رحلة للغابات وهم في الرحلة تعرضو لحادث انقطع فيه اصبع الملك قام الوزير صار يحكي للملك : بسيطة يا سيدي لعلو خير الملك عصب وحكا : انقطع اصبعي ولسا بتحكيلي لعلو خير يا حراس حطوه بالسجن قام الحراس مسكو الوزير وحطوه بالسجن الوزير صار يحكي : لعلو خير " برضو " ومرت الايام والوزير لسا بالسجن من ورا كلمتو " لعلو خير " وبيوم ربيعي جميل قرر الملك يطلع رحلة قامو جهزوا وحضروا كل شي لازم وطلع الملك رحلة الى مكان ما وهو بالطريق هجموا عليه ناس غريبين الشكل والملابس واخدو الملك وربطوه وقرروا انهم يقدموا قربان لآلهتهم وقربو السكينة من من راس الملك ولا فجاة اكتشفوا انو اصبعو مقطعو وانو مشوه فما دبحوه واطلقو سراحو لانو ما بنفع يقدمو انسان مقطوع اصبعو لآلهتهم فانبسط الملك كتير واتذكر كلام الوزير " لعلو خير " وانو فعلا طلعت قطع اصبعو فيه خير فاطلق سراح الوزير من جديد واعتذر منو كمان الملك : انا اسف حقك علي الوزير : بسيطة يا سيدي لعلو خير الملك : يا وزيري العزيز انت حكيتلي لما انقطع اصبعي لعلو خير وفعلا طلع كلامك صحيح طيب لما انا حطيتك بالسجن حكيت برضو لعلو خير فشو الخير يلي اجاك من حبسك قام الوزير رد عليه وحكالو : يا سيدي الملك انا دايما معك بكل رحلاتك فلو كنت معك برحلتك الاخيرة كان ذبحوني بدالك وقدموني للالهة تبع