االسلام عليكم ورحمة الله وتعالى وبركاته
انا تاني خسرت الباك وان شاء قع نجيبوه العام الجاي
المشكل اني كنت نفهم في اشخاص في المواد العلمية هم قع جابوه الا انا
بزاف ناس ماصدقونيش بلي راني خسرت
بصح راني نحمد في ربي كي ماجبتوش هم قاع اعطاولهم اختصاصات ماهيش مليحة
وقع رايحين يعاوده بصح والله مايقراول اصلا يعود ماعدهمش الوقت غير راهم يحلمو
المهم درك رانا في طبقة من ذهب وعدنا فرصة للاعادة
لازم نبدلو طريقة نتاعنا نتاع المراجعة ومنبقاوش في العقلية نتاع الماضي
هذي النفس لو كان ترقدي وتوكليها طول العام والله ماتقر بالخير لازم تحاربيها بالصبر
ورحي للمحكمة باه يعطوك شهاذة طلاق للنت + التلفاز + الصولح لي تلهي على القرايا انا رني جبتهم من بعد رمضان نكاشيهم
وطبعا ماهو رايح يصير فيك ولو كي ماتفرجيش ولا تدخلي للنت
انا بدلت برنامج المراجعة نتاعي وخصصت كل يوم بمادة
السبت علوم
الاحد انجلزية + تاريخ
الاثنين ادب و شريعة
الثلاثاء رياضيات
الاربعاء فرنسية+ جغرافيا
الخميس فلسفة
الجمعة فيزياء
الفائدة نتاع البرنامج
ماتمليش ولزم عليك تنحي من قاموسك حاجة اسمها المورال او الغش
ربي سبحانو ما يظلمش لي يقرا يعطيلو
راي شخصي *** اعظم ذل هو عذم الانتقال من المرحلة الثانوية الى الجامعية