[قلم : داعية]

السلام عليكم ورحمة الله وتعالى وبركاته
ياختي اذا كنتي حلبة تجيبي الباك بمعدل مليح ابداي من الان وش راكي تستناي
اذا كنت غير قاعدة ماكي تقضي في حتى حاجة اقراي لان الوقت رايح يفوت عقبي قرايا خير من القعدة امام التلفاز او النت ..........النخ
لازم عليك ما تحقري حتى مادة كل مادة اعطيلها وقت مخصص
لازم عليك تعرفي ان اعظم ذل هو عدم الانتقال من المرحلة الثانوية الى الجامعية
ونسيت ماوصيتكش على الغش
لازم عليك تنحي حاجة اسمها المورال والغش من قاموسك
انا فوتت باك نتاع 2010 وخسرت
بصح من بعد النتائج ب 3 ايام بديت نحضر للباك نتاع 2011
انا هردتني المواد الادبية
المواد العلمية قع اديت فيها اكثر من 15
لازم عليك تعرفي بان الفايدة راهي في الكتاب المقرر
احلي قع التمارينات
وكيما يقولو فوتي عام بصلة و 60 عام لحم
و الباك حاجة ساهلة لي يقرا يجبو ولي مايقراش ما يجيبوش
وفي الختام لازم عليك تجيبي شهادة طلاق للتلفاز والنت وكاش حاجة تلهيك في قرايتك
وانا متاكدة 100/100 ماهو راح يصير فيك والو كي ماتفرجيش ولا تدخلي للنت
والله راكي كي تخسري تندمي على الوقت لي كنت تريحي في في التلفاز والنت
وربي يوفقك ان شاء الله
وصح فطورك