[س..ع..ي..د]

اولا نتمنى رمضان كريم ومبارك للجميع
حبيت نبداو ناقشو في بعض القضايا للتعلق بي الصائم وتنتشر عندنا في الجزائر..بصفة خاصة..

الجزائرى معروف بلًي دمو سخون..وفي رمضان يصبح اكثر سخونة

مع بداية رمضان منين يكون الواحد يمشي يلاحظ بلي الحروب العالمية قايمه في المنًازل بين النساء لمعان قصف بي الصحون وبي كل انواع الاواني المنزلية...وفي الطرقات نشوفو الشجارات والتشابك بي الايدي والعصى بين الرجال بسبب اكتضاض حركة المرورو...

لهذا حبيت نعالج معامك قضية الغضب ...

الغضب ..هو شعور قوى يسيطر علي الانسان وهذا الشعور راح يخليه يدير تصرفات مش مليحة و مبعد يندم عليها...

وباش نتخلصو من الغضب لابد من اتباع خطوات معينة
اولا

كظم الغيظ :
يليق بكلم مسلم يتحلي بصفة كظم الغيظ والتحكم في الغضب والتصرف نتاعو تبعاً لما يرضي الله ورسوله وهذى فضيلة يتميز بها عباد الله الصالحون وكاين بزااف شواهد في الدين الاسلامي الحنيف.. اخترت منها قال رسول الله صلي الله عليه وسلم : ألا أنبئكم بما يشرف الله به البنيان ويرفع الدرجات ؟ قالوا : نعم ، قال : تحلم علي من جهل عليك وتعفو عمن ظلمك وتعطي من حرمك وتصل من قطعك . ( رواه الطبراني )

التماس العذر وحسن الظن

منين الانسان واحد يسيئلو بكلمة او بفعل او باي طريقة دايما يحسن الضن وميقراش النقص
الي اذا كنت متاكد بلي الاسائة متعمدة وفي هتي الحالة لازم تتحلي بصفة :

محاولة تفهم مواقف الآخرين وتذكر مناقبهم :

يفترض علي الانسان انو يقدر الضروف ويتذكر المحاسن والامور لمليحة لقام بها هذا السيد قبل ليتسرع ويعمل حاجة راح يندم عليها وهذى الصفة ضرورية باش المسلم يكتم الغضب نتاعو

النقد الذاتي وجهاد النفسي


كامل نعرفو بلي هذى الدنيا دار عمل وتعب ومكانش الا نسان لميقاسيش فيها وميواجهش بزااف هموم ومشاكل..وباش الانسان يقلل من هذى لمشاكل ويحافظ علي صحتو من كثرة التخمام وكل شئ يليق يقلل من شئن الدنيا ويصبر ويحتسب ويدعي ربي صباحانو
اللهم لا تجل الدنيا اهمنا ولا مبلغ علمنا

وفي الاخير
راه كاين ناس ربي يهديهم دايما يثيرو غضب الاخارين وعن قصد يبداو يقلقو فيهم...ندعولهم بي الهداية..ومنين الانسان يكون الله غالب بدا يحس بلي راح يفقد السيطرة علي لسانو وعلي افعالو يليق يغير المكان ويستغفر ويصبر
..
وشكرا واسف علي الاطالة وان شاء الله تكونو استفدتو من هذا الموضوع...