اقتباس:
المشاركة الأصلية كتبت بواسطة silver3100
انا عندي سؤال كلكم تعرفوووووووووو البوراك
بصح انا سمعت بلي في الجزائر ما يطيبوهوش الولايات
الكل كيفكيف
حاب نعرف كل واد كيفاه يطيبووووووووو
و شكرااااااااا
|
لا يا اختي ماش على حساب الولايات كل واحد كيفاه يطيبو بالنسبة ليا انا هذا وين كملتو نقولك كيفاه نديروه .تسلقي البطاطا ومن بعد تقشريها وديريلها شوية قرفة رشة فلفل ابيض قرصة ملح .تقلي البيض الكمية حسب الرغبة .تقطعي الزيتون الاخضر رقيق .ديري اللحم المرحي ديريلو قرصة ملح رشة فلفل اسود وتقليه في مقلة تكون فيه البصلة مرابيا وفيها الزيت واذا مكنش اللحم المرحي ديريه بالطون انا الفضل الطون خير يعجبني ذوقو .اذا حبيتي تقطعي البصلة رقيقة وتقليها وديريها والمعدنوس والدبشة بصح انا منحبهمش نحبهم بلا بصلة ومعدنوس يعني على حساب الرغبة تاعك تعمريه بواش تحبي تقليه قبل الفطور ب15دقيقة باه يبقا سخون وديريلو القارص باه يروح الزيت وشهية الطيبة صح فطوركم