اليوم اخواتي جبتلكم طريقة شهية للبراك ومجربة
لصنع العجينة
خدي كوب فرينة+ ملح + كوبين من الماء وضربي
من بعد خدي كسرونة وضعي فيها الماء وضعيها على النار وخليها تتبخ وضعي عليها مقلة تفال
من بعد اغمسي الفرشات في الخليط السائل نتاع الفرينة ومسحي المقلة بيه
خلي الورقة تنشف وحطيها على طبق وبين كل ورقة وورقة ضعي اوراق البلاستيك
ناتي الى الحشو
حبة بطاطا + جزر مسلوقين ومقطعين مكعبات صغيرة + سلاطة خضراء مقطعة + حبة طماطم مقطعة مكعبات +كفتة مشحرة + زيتون مقطع + حرور مقطع +خل + فرماج +ملح +زيت ونخلط الكل ونعمر الاوراق ثم نقلي
والله انا البوراك منشريهش خلاص نستعمل هده الطريقة برك وميشربش الزيت كدلك ودعولي
ننجح في شهادة البكالوريا هد العام