صح خويا محمد أنا نقولك المواصفات لي نحبها في الشاب و أنت قولي المواصفات لي تحبها في الفتاة ’ إذا مفيهش احراج طبعا.
شوف أول حاجة نحبها فيه هي يكون مدين مش متشدد و مش راخف أصلا ديننا دين لا افراط و لا تفريط ’ ثانيا الأخلاق ، ثالثا الثقافة و الثقافة لا تعني بالضرورة يكون متحصل على أعلى الشهادات ، فمن الممكن يكون واحد عنده دوكتوراة و مش مثقف و في المقابل قادر يكون واحد واصل تارمينال و عنده في الراس ، راك فاهمني خويا محمد ؟ بلاك هذا الشيء نربطوه بالعقلية ، العقلية تهمني بزاف بزاف في الراجل، أما بالنسبة للمادة ما نكدبش عليك ، نحب نرتبط براجل يكون عنده على الأقل مستوى معيشي مقبول ، كيما قال الرسول صلىالله عليه و سلم كاد الفقر أن يكون كفرا ، و ياك البنت تتزوج باش تعيش حياة مليحة مش باش تتمرمد و إذا أنا نتحمل مستوى معيشي متدني ، أولادي في المستقبل ما نقبليهمش هاذ الشيء ، و لكن في المقابل إذا جاءت ظروف قاهرة فيما بعد و طاحت بالزوج لا قدر الله فنأِكد لك بلي نسانده ونعاونه و مانخليهش في الأزمة ، حتى نهار ربي يفرج .
و الشكل ما عنديش اشكال بما أن الله هو اللي خلقه فسبحانه و تعالى يجيد خلق كل شيء