هادي واحد الوصفة ديال الفرماج خديتها من واحد الأخت فمنتدى آخر شنو غادي نقول ليكم كاتجي غزالة بحال الفرماج ديال الزنقة جربوها راكم ما غاديش تندموا ندوزوا للمقادير
65غ حليب غبرة نيدوـ كأس حليب سليم ـ 1 قطعة فرماج البقرة الضاحكة ـ 125غ زبدة مدوبةـ عصير حامضة كبيرة أو 2 صغارـ شوية الملح
الطريقة
فمولنكس كنخلطو المواد السائلة ما عدا الحامض تم نضيف المواد الجافة بعد دلك وفي الأخير ومولينكس خدامة نضيف الحامض شوية بشوية حتى تندمج العناصر كلها وتقصاح ما تبقاش جارية تم نضعها فعلبة مغلقة باش يزيد الفرماج يشد راسو مزيان نديروها فالتلاجة
راه ما تشبعوش منو واللي جرباتو تدعي معايا ومع صاحبة الوصفة الأصلية حيت أنا غير ناقلاه باش حتى نتوما تستافدو
ونخليكم مع الصور وبالصحة والراحة