السلام عليكم نحوس نتعرف على طلبة البكالوريا 2011 في المنتدى باه نكونو عارفين بعضنا و نتعاونو ان شاء الله نقترح عليكم طريقة نتمنى انكم تشاركوني فيها هي كل واحد يكتب الآتي :
1-الاسم (الولاية اذا ممكن اذا لا مش مشكل)
2-الشعبة
3-معدل الانتقال الى قسم السنة الثالثة
4-المادة المفضلة
5-المادة لي عندو فيها مشكل و ممكن تأثر على نتيجة البكالوريا تاعو
6-شحال يحب يجيب الباك تاعو
7-وشي التخصص لي يحب يكمل تعليمو فيه يعني في الجامعة
أنا لولة رح نبدا و نتمنى تكملو معايا
1- انا نسرين من ولاية ورقلة
2-الشعبة : علوم تجريبية
3-معدل الانتقال:16.32
4-نحب المواد كل ماكانش فرق مي ادا اضطريت نخير نقول اللغات و الرياضيات و الفيزياء
5-المشكل:آآآآآآآآآآآآآآآآآآآآآآآآآآآه مشكل كبير في العلوم الطبيعية و معامل 6 كارثة نفهم في القسم و نجاوب و في الورقة نقول جاوبت و مبعد يطلعو les surprises ربي يستر في الباك برك
6-المعدل:الاهم في المعدل انو الانسان يحافظ على مستواه حابة 16/17 ( اذا عطاني ربي 18 ما نقولش والو هاذ العام ياسر جابوها ماشي بعيدة (بصح كل واحد يكسل رجليه قد غطاه)ههههه)
7- في الجامعة ماعنديش هدف معين لحد الآن بصح نفضل المدارس العليا les écoles supérieures لأنو المستوى عالي و تكوين قيم
je vous attends