السلام علسكم أنا ديما ندير هادي الوصفة وهي ناجحة ديما وما تفزقي بين تاع برا وهلدا
المقادير
1كغ تشيشة رقيقة
400غ سكر خشن
كأس ونص تاع شاي زيت
نص كاس شاي راب أو حليب
ملعقة صغيرة بيكاربونات الصودا
قرصة ملح
ماء
و طبعا العسيلة
وإدا حبيتي يكون محشي صيفي عقدة الوز أو الكوكاو بشرط يكون مدشش أو مرحي خشين
طريقة التحضير
خلطي كل المقادير سابقة الذكر (التشيشة +السكر+الزيت+الحليب أو الرائب+البيكاربونات)
وضعيهم في كيس بلاستيكي طوال الليل
منغد من ذاك
نجيب الخليط ونعاود نحتو مليح ونرشو بشوية ماء
ونفرشو في صنية مدهونة بالسمنبعمق 1.2سم إذا كان قلب اللوز و 1.5سم إذا كان محشي
وندخلو الفرن بدرجة 180 يكون مشعول من التحت فقط
بعد مايحمرو الحواشي نكونو مدوبين شوية سمن مدينة لأنه مافيهش الريحة ونهدن الوجه
ومن بعد نشعل الفرن من قوق ونخليه حتى يصير لون الوجة بني
و فور ما نخرجو نصب عليه العسيلة ونخليه حتى يتشرب مليح حواي 6 ساعات
ومن بعد نززيد نضيف كمية صغيرة من العسيلة إذا حسيتو مخصوص ,اخيرا نرشوه بشوية ماء الزهر
بالصحة والهناء
أتمنى يعجبك