كنت قريت موضوع كان فيه عضو ينتقد فيه سعدان
علاه السيد كي قال الصح ماعجبكمش لازم نتقبلو كامل الاراء وناقشوها
في الحقيقة سعدان لو كان في دولة فيها صحافة واتحادية تحترم نفسها مايقعدش يوم واحد
لان اخطاؤة ليست بسيطة بل لا تغتفر
المدرب الذي بعد ماتش واحد في كأس العالم (ماتش سلوفينيا)يقولك رانا نحضرو في كأس العالم 2014 ضحك علينا العالم الكل
واصبحت اشهر تعليق في كاس العالم لمدرب بعد تعليق مرادونا
تعليق نتاعو يبين بلي ماعندوش شخصية قوية مايقدرش يحمل الضغط النفسي
شوفو ليبي يتحمل كامل المسؤولية قالهم انا المخطئ وساستقيل ماقالوش عليه الطليان ماتنتاقدوهش لانه جابلنا كاس العالم
العكس الكل ينتاقدوه في الطليان
لازم ننتقدو باش الحال يتعدل وماشي في البالون برك في كل شي
عقلية الاحتفال في الفوز والخسارة ماشي عقلية سوية لانو الفوز الخسارة ماشي كيف كيف (وصلنا لوحد الدرجة مانفرقوش بين النجاح والفشل)كارثة بكل المقاييس
صدقوني كون شدنا مدرب قوي الشخصية وماشي خواف كون رحنا بعيد في كاس العالم
كانت عندنا فرصة نلحقو لنصف النهائي لانو الطريق ساهل في الثمن النهائي والربع النهائي لكن ابى سعدان الا ان يرجع الى الجزائر
ياجماعة انا كي شفتو بالكوستيم في ماتش امريكا طاحلي المورال
الراجل كان موجد روحو باش يروح
ياناس التأهل لكاس العالم ماشي انجاز نقولكم علاه
كتر خير روراوة اللي جاب لاعبين جدد من طراز عالي وثاني اللعب ضد تنزانيا ومالاوي ماشي كيما اللعب في كاس العالم
علاه نيجيريا نحاو المدرب نتاعهم
لازم مانحقروش رواحنا ونقولو دايما الاسطوانة المشروخة اين كنا قبل سعدان
والله كون سعدان لعب بشجاعة وكانت عندو شخصية قوية على اللاعبين نكون انا الاول معاه
هذا مجرد رأي لازم نتقبلوه وناقشوه ومايجيش واحد يقولي ماتعرفش بالون ولا وليتو الكل تعرفو بالون الجزائريين الكل يعرفو البالون لانو الكل يتفرجو فيه