السلام عليكم
ممكن تصنعي سلة نتاع البيبي الي تخرجيه بيها من المستشفى تكون تشبه للطبق نتاع العروس هذه الفكرة الي راهي دارجة عندنا في هذا الوقت و تكون باللون الي يناسب نوع المولود اما بنت او ولد
و ايضا تحضري سلة صغيرة و تغلفيها باللاطلاس و تزينيها بالدونتال و الورد و طبعا بنفس لون السلة الي تخرجي بيها البيبي و هذي السلة تحطي فيها الكحل و الريحة و مرايا حيث تستعمليها نهار الاسبوع نتاعو او تسمية كيما يقولو البعض حيث تمشيها على المعازيم باه يديرو منها و من بعد يمكنك استعمالها في جمع اغراض المولود فيها من رائحته و مشط و حليب الاطفال و غيرها من مستلزماته هكذا باه تبقى محفوظة و يبقى مكانها باين
و ايضا تغلفي قاع صوالحو بالدونتال و تزينيها بالورد مثل منظفات الاذن علبة المناديل الورقية الخاصة بالمولود .....
هذي الي نعرفها و ان شاء الله نكون قد فهمتك في السؤال نتاعك و نكون افدتك بالفكرة نتاعي