[سمير الشاوي]

خويا اسمحلي بلاكش جيت للموضوع نتاعك متأخر
باغي خويا نقولك بلي هناك فرق بين تتمنى لفريقك الفوز وانت واثق من امكانياتو، وفرق بين تتمنالو الفوز بالأحلام
المشكلة نتاعنا نتمناو الفوز غير بالأحلام
من قداش واحنا نلعبو مع المصريين ولحد اليوم جامي سمعنا واحد يتكلم على نقاط القوة عندهم، ونقاط الضعف
كل من تكلم عنهم، يقولهم:
احنا عندنا لاعبين محتارفين
المهم طلعنا للمونديال
أم درمان
ضربناها جيهة الشيطان
.......إلخ
سمعت مرة واحد يعلق، هوما يسألو فيه على الفريق المصري، وهو يقولهم: احنا على الاقل ماعندناش الرقصات كيما ليلى علوي !!!!
......................
خلاصة القول"
حتى كي نحلمو بالفوز نحلموها بالزهر
ماعندناش في فريقنا نقطة قوة الواحد يتركز عليها
جميع الماتشات اللي ربحناهم ربحناهم إما: زهر، ولا نيف وقوة
...................
نتمنى ما تقعدش تحلم انت وصحابك، وتخممو في التصفيات
وتدرسو المنتخب التنزاني في البداية، حتى كي نخسرو ما نقولوش: بينا الأرضية، والحرارة، ولا اللبسة اللي لبسها زياني ما والماتوش.