السلام عليكم انا فوت السنة الباك الحمد لله وحبيت ننصح هادو اللي مقبلين على الباك للموسم الجاي ان شاء الله والله نقولكم سنة الباك سنة عادية كيما قاع السنوات اللي فاتو بصح زايدة عليهم بشوية قراية وشوية تعب لكن والله من اجل المصلحة نقولكم باللي التحضير للباك يبدا من بداية الموسم حتى النهار التالي من الامتحان بصح مع اعطاء النفس حقها من الراحة قال تعالى (ولا تنسى نصيبك من الدنيا) واستراحو في الصيف باش تدخلو نفسيا وبدنيا حابين تقراو وتجنبوا قدر الامكان الدروس الخصوصية ومتشروش بزاف كتب خارجية كتاب واحد يكفي في المواد الاساسية لانه كل ما كثروا الكتب كل ما كثروا اخطائها وكلما يرتبك التلميذ اكثر ويحس باللي راهو مقصر في قرايتو بيه مقراهاش كاملة وتهملوش الكتاب المدرسي وركزوا في جميع المواد سواء العلمية ولا الادبية و خطيكم من السهر والله مفيه ولا فايدة متتخلعوش حاجة نورمال بالعكس والله يجيلكم واحد الشعور بالمسؤولية وباللي راك وليت انسان يخمم في مستقبله ويراعي مصالحه المهم متتخلعوش خاصة لبنات وادعولي ان شاء الله ننجح السنة بمعدل مليح والتوفيق لكم