اقتباس:
المشاركة الأصلية كتبت بواسطة simsima-asmaa
في السنة الثامنة ابتدائي كانت عندنا استاذة ادب عربي مسكينة عجوزة في عامها ما قبل الاخير للتقاعد
و كان خالي جايبلي من رحلتو لفرنسا مجموعة من الفئران الصغيرة تشبه الحقيقية
امالا في هداك اليوم خويا الصغير حطلي واحد منهم في محفضتي
و في القسم صاحبتي فتحت محفضتي و شافتو ايا امالا شغلاتو
و طلقاتو في القسم
الاستاذة مسكينة ناضت تجري و تعيط
و خرجت تجري من القسم
و البنات كامل يتعايطو
و النص فوق الطاولات
و انا كي شفتو فقتلو
اما نضت نضحك
الاستاذة مسكينة ما ولاتش للقسم في هاديك الحصة
و في الحصة اللي بعدها
دخلت و انا كنت خايفة لانو الفار هو الفار اناتعي لكن ماكانتش نيتي انو نجبدو نخوف بيه الغاشي خاصة انو المؤسسة مؤسسة بنات فقط
يعني اذا شافو فار حقيقي و الله وحدة ماتزيد ادور ثمة على سمانة
ايا كي دخلت الاستاذة
قالت بالحرف الواحد
نسأل الله الهداية لهاده الفتاة الطائشة
و ماحبتش تحوس على شكون اللي دار هادي الفوضى
و نضنا الكل نضحكو
لكن بعد نهاية الحصة رحت ليها و قلتلها على القصة كاملة
و الحمد لله هي تعرف ماما امالا هداك الفار قاتلي جيبيه
قلتلها راهو عند اللي طلقاتو في القسم اول مرة
و اديتهولها
و لحد الان كي نتلاقا بيها انوض نضحك
و هي تقولي مازالك في طوايشك؟
|
ههههههههههههههههه بصح حكاية البنات مع الخنافس والصرارير ما يخلاصوش عندي
هدية يوم العلم من عند صديقي علاء الى احد التلميذات المجتهدات كانت في علبة مغلفة ولا اروع منها
بداخلها عطر والة حاسبة علمية وكتاب فيزيائي ......
علاء قالي راني ضفت للمقادير ...كمية من النمل ؟؟ قلتلو وشحال
قالي ما تخافش واحد اقل من 500 وحدة فقط
فتحتها ....وصرا ماصرا ولات تطيح وتنوض ....وتضرب وتجري ههههههههههع
ههههههههه دارولو مجلس تاديبي ..هي داخت وفقدت الوعي العشية ما جاتش
المهم من الاخير سمحتلو ...........