[ابتغي الجنة]

شكرا أخواتي على مروركم
و لكل من طلبت طريقة التحضير تفضلي
الحلوة الاولى أنا نسميها القرنفلة و مقاديرها كالتالي
العجينة
250 غ فرينة
50 غ مارغرين
ماء الزهر والماء باش طمي العجينة
العقدة
3 كيلات لوز
كيلة سكر رطب
بيض حسب الحاجة
لافاني
مبشور ليمون

حب الملوك للزينة

و طريقتها عادي قطعي دوائر و حطي بولة تاع عقدة و اقرصيها بالنقاش من النواحي الاربعة

الحلوة الثانية لمخبز العادي
مقاديرو
3 كيلات لوز
كيلة سكر حرش
لافاني
مبشور ليمون
بيض حتى تنطم العجينة

هاد العجينة بيتيها ليلة في الثلاجة باش يدوب السكر لحرش
و غدوا من ذاك قطعيها دوائر و طيبيها

أما الطلية فأنا نستعمل عادة الطلية التالية
خذي كمية السكر الرطب و طميه بماء و ماء زهر حتى تتشكل عجينة متماسكة
أعجنيها كيما تعجني عجينة لمحاجب
اعجنيها جيدا حتى تحسي السكر بدا يدوب
أومبعد ابداي تظيفيلها بياض البيض تدريجيا حتى تتحصلي على طلية مليحة
إذا حبيتي ديري عصير الليمون ديريها مع لول

أي سؤال راني هنا